د سولې په چارو کې د دولت وزير د نورزيو د سرتاسري شورا له رهبري پلاوي او ځينو غړو سره وکتل

a.zia
سه‌شنبه ۱۴۰۰/۲/۷ - ۱۱:۳۵
Smp


د سولې په چارو کې د دولت وزير سید سعادت منصور نادری د نورزيو د سرتاسري شورا له رهبري پلاوي او ځينو غړو سره وکتل.
په دې کتنه کې د سولې پروسې د وروستيو پرمختگونو او بدلونونو په تړاو خبرې وشوې.
د نورزيو د سرتاسري شورا رهبري پلاوي وويل چې شورا يې په ۱۸ ولايتونو کې فعال دفترونه او په ۲۸ ولايتونو کې فعال غړي لري چې ټول په يوه خوله د سولې پروسې، جمهوريت او تېرو دوو لسیزو د لاسته راوړنو دفاع ته چمتووالی لري.
دوی تلپاتې او باعزته سولې ته د رسېدو لپاره د شورا نظريات او وړانديزونه هم د سولې په چارو کې د دولت له وزير سره شريک کړل.
ښاغلي نادری د نورزيو د سرتاسري شورا نظريات او وړانديزونه مهم وبلل او ژمنه يې وکړه چې ټول به په پوره امانتدارۍ سره د ملي مصالحې عالي شورا او د افغانستان د اسلامي جمهوريت مذاکره کوونکي پلاوي ته وسپاري.
د سولې په چارو کې د دولت وزير د تېرو لاسته راوړنو، جمهوريت او سولې پروسې ملاتړ د ټولو افغانانو مسئوليت وباله او د نورزیو د سرتاسري شورا له غړو يې مننه وکړه چې د ياد مسئوليت ترسره کولو ته ژمن دي.

تازه خبرونه

سه‌شنبه ۱۴۰۰/۲/۲۱ - ۱۶:۴۱
Background image

د وروستيو پېښو شهیدانو روح ته د دعا  او د قران کريم د ختم مراسم ترسره شول

 د عمومي ماتم اعلانولو لپاره ولسمشرۍ عالي مقام د فرمان په تعقیب، د قران کریم ختم او په هېواد کې وروستيو پیښو  شهیدانو روح ته دعا کولو مراسم د سولې په چارو کې د دولت وزارت د چارواکو او. . .

یکشنبه ۱۴۰۰/۲/۱۹ - ۱۴:۵۲
Background image

د سولې لپاره د سیاسي ګوندونو کمیټې د بشري حقونو او مدني ټولنو د معنیت د چارو مرستیالې سره وکتل

د سولې په چارو کې د دولت وزارت د بشري حقونو او مدني ټولنو معنیت د چارو مرستیالې ډاکټر عالمې د سولې لپاره د سیاسي ګوندونو د تماس کمیټې سره وکتل او د سولې په پروسه کې د سیاسي ګوندونو پر. . .

یکشنبه ۱۴۰۰/۲/۱۹ - ۱۱:۳
Background image

د سولې په پروسه کې د ښځو د همغږۍ څلورمه ګډه ناسته ترسره شوه

د سولې په پروسه کې د ښځو د همغږۍ او برخه اخیستنې څلورمه ګډه ناسته د سولې په چارو کې د دولت وزارت په مشرۍ، د ملي پخلاینې د عالي شورا د رهبرۍ ښځینه غړو او د افغانستان اسلامي جمهوري دولت د. . .

خبرونه