د سولې په چارو کې د دولت وزير د سرحدونو او قبايلو چارو له وزير سره وکتل
د سولې په چارو کې د دولت وزير سيد سعادت منصور نادري د سرحدونو او قبايلو چارو وزير ښاغلي محبالله صميم سره وکتل.
په دغه کتنه کې، د سولې په روانې پروسې او په هیواد کې د تلپاتې او باعزته سولې لاسته راوړلو لپاره د ملي اجماع د پياوړتيا په برخه کې د سولې په چارو کې د دولت وزارت پر هڅو بحث او خبرې وشوې.
ښاغلي نادري د سولې تر لاسه کولو لپاره د ملي اجماع په تقویه کولو کې د سرحدونو او قبایلو چارو وزارت رول مهم وباله او د مذاکراتو په برخه کې یې د ټولنې د بیلابیلو برخو نظرونه مهم ياد کړل او له دغه وزارت څخه یې د لا زياتې همکارۍ غوښتنه وکړه.
