د سولې په چارو کې د دولت وزير د تاجيکستان له سفیر سره وکتل
د سولې په چارو کې د دولت وزیر سید سعادت منصور نادري په کابل کې د تاجیکستان له سفیر ډاکټر سعدي شریفي سره وکتل.
په دغه کتنه کې د سولې په چارو کې د دولت وزير د دواړو هیوادونو ترمینځ ښو تاریخي اړیکو ته اشاره وکړه او د دواړه هیوادونو ملتونه يې وروڼه وبلل.
ښاغلي نادري د سولې په پروسه کې د افغانستان د ګاونډیو هیوادونو رول مهم وباله او په افغانستان کې سولې راتګ يې د سیمې د پرمختګ او ثبات مهم وبله.
د تاجکستان سفیر د سولې په برخه کې د خپل هیواد د همکارې چمتووالي په څرګندولو سره ، افغانستان ته د تل پاتې او دايمي سولې راتګ هيله وکړه.
