د سولې په چارو کې د دولت وزارت د بشري حقونو او مدني ټولنې چارو مرستیاله معرفي شوه

a.zia
پنجشنبه ۱۳۹۹/۶/۲۰ - ۱۶:۳۴
SMP

د سولې په چارو کې د دولت وزارت د مقام، دولتي چارواکو، د دغه وزارت د جګپوړو مسؤولانو او د مدني ټولنې او بشري حقونو بنسټونو د استازو په حضور کې ډاکتر عالمه په مافوق رتبه کې د سولې په چارو کې د دولت وزارت د بشري حقونو او مدني ټولنې د مرستیالې په توګه معرفي شوه.
د سولې په چارو کې د دولت وزیر سید سعادت منصور نادري په دغه پروګرام کې د ډاکتر عالمې مخکېنۍ کاري مخینې، تجربو او لاسته‌راوړنو ته په اشارې سره د بشري حقونو او مدني ټولنې په چارو کې د مرستیالې په توګه ټاکل کېدل د دغه وزارت لپاره د ویاړ ځای وباله.
نوموړي لوړه کاري روحیه او ارزښتناکه همکاري د سولې په چارو کې د دولت وزارت کاري اساسات یاد کړل.
همدا راز د سولې په چارو کې د دولت وزارت د بشري حقونو او مدني ټولنې مرستیالې ډاکتر عالمې د سولې په چارو کې د دولت وزارت د مشرتابه او مقام له باور د مننې ترڅنګ وویل چې دغې مرستیالۍ ته سپارل شوې دندې به په پوره رښتینولۍ او وطندوستۍ پر مخ وړي.
نوموړې زیاته کړه چې په افغانستان کې باید سوله د قربانیو پر مټ اخیستل شوي عدالت سره یو ځای وي او پکې د وګړو په ځانګړې توګه ښځو مدني او سیاسي حقونه خوندي شي. ډاکتر عالمې زیاته کړه چې  دا به په یو مهم بحث د سولې پر بدلولو چې بشري حقونه یې یوه ستره برخه ده کار وکړي.
په پای کې د پروګرام حاضرینو او مېلمنو د بشري حقونو او مدني ټولنې په چارو کې مرستیاله ډاکتر عالمه خپل کاري دفتر ته معرفي کړه او په ورسپارل شوې دنده کې یې د دې د بریا دعا وکړه.

تازه خبرونه

چهارشنبه ۱۳۹۹/۸/۷ - ۱۶:۱۸
Background image

له مذاکره‌کوونکي پلاوي سره د سولې په پالیسي جوړونه کې د ښځو د واحد غږ مشورتي ډلې مشورتي ناسته وشوه

د ټولنې له بېلابېلو پاړکو سره د افغانستان اسلامي جمهوریت د مذاکره‌کوونکي پلاوي د مشورتي ناستو په لړ کې نن د سولې په چارو کې د دولت وزارت له لوري د مذاکره‌کوونکي پلاوي او د سولې په. . .

سه‌شنبه ۱۳۹۹/۸/۶ - ۱۵:۱۶
Background image

د سولې په چارو کې د دولت وزیر د جاپان له سفیر سره وکتل

د سولې په چارو کې د دولت وزیر سید سعادت منصور نادري په کابل کې د جاپان له سفیر میتسوجي سوزوکا سره وکتل.
په دې لیدنه کې ښاغلي نادري په تېرو کلونو کې د افغانانو لپاره د جاپان د خدمتونو او. . .

سه‌شنبه ۱۳۹۹/۸/۶ - ۱۴:۳۷
Background image

د سولې په چارو کې د دولت وزیر د فنلنډ د بهرنیو چارو له وزیر سره وکتل

د سولې په چارو کې د دولت وزیر سید سعادت منصور نادري او د ملي مصالحې عالي شورا د رئیس ډاکتر عبدالله عبدالله ستر سلاکار مصطفی مستور د فنلنډ د بهرنیو چارو له وزیر پکا اولاوي هاویسټو سره. . .

خبرونه