د سولې په چارو کې د دولت وزارت دویمي واحدونه به د زونونو په کچه فعال شي
د سولې په چارو کې د دولت وزیر او د وزارت مرستیالانو، سلاکارانو او د زونونو تازه ګومارل شوو رئیسانو په خپله کاري ناسته کې د زونونو په کچه د سولې په چارو کې د دولت وزارت د دویمي واحدونو پر فعالولو بحث وکړ.
په دې ناسته کې د سولې په چارو کې د دولت وزیر د اتهګونو زونونو په کچه د وزارت د فعالیتونو پر اهمیت ټینګار وکړ او ویې ویل، د دې لپاره چې خلک په بهیر کې شامل شي، وزارت به خپل فعالیتونه د ۳۴ ولایتونو کچې ته پراخ کړي.
سید سعادت منصور نادري وویل چې سراسري او تلپاتې سوله به د خلکو له رښتیني شمولیت پرته رانهشي، له دې امله د زونونو د ریاستونو فعالیت ځانګړی اهمیت لري.
ښاغلي نادري زیاته کړه چې د وزارت دویمي واحدونه به په ټولو ولایتونو کې فعال شي، تر څو د سولې په بهیر کې د ونډې لپاره ټولو خلکو ته د لاسرسي زمینه برابره شي.
په دې ناسته کې پر دې بحث وشو چې د اتهګونو زونونو په مرکزونو کې د زونونو د ریاستونو دفترونه څرنګه فعال شي.
