د سولې په برخه د کارپوهانو او ديپلوماتانو په انلاين ناسته کې د سولې په چارو کې د دولت وزير ګډون
د سولې په چارو کې د دولت وزير سید سعادت منصور نادري د سولې په برخه کې د نړيوالو دیپلوماتانو او کارپوهانو په ناسته کې، چې د دغه وزارت په کوربه توب جوړه شوې، برخه واخېسته.
په دغه ناسته کې د افغانستان د سولې پروسې او خبرو اترو د راتلونکي په اړه بحث وشو او برخه والو د ورته مسلو او تاریخي تجربو په استناد مقايسوي بحثونه وکړل.
د سولې په چارو کې د دولت وزیر د سولې خبرو د بریالیتوب لپاره د دې پوهانو او نظر خاوندانو نظرونه مهم وبلل او د غونډې له ګډونوالو یې د هغوی د خورا جوړونکو او رغنده نظرونو ورکولو له امله مننه وکړه.
