د سولې لپاره د مدني ټولنې د مشورې او همغږۍ د بورډ کاري کړنلاره تصویب شوه

a.zia
سه‌شنبه ۱۳۹۹/۴/۱۰ - ۷:۷
smp

په هغه ناسته کې چې «د سولې لپاره د مدني ټولنې د بنسټونو د مشورې او همغږۍ بورډ» د کاري کړنلارې د وروستي کولو لپاره د سولې په چارو کې د دولت په وزارت کې جوړه شوه، دغه کړنلاره د بورډ د غړو په اکثریتو رأیو سره په پرنسیپ کې تصویب شوه.

په دې ناسته کې لومړی د دې کړنلارې اصلاح شوې نسخه د بورډ له غړو سره شریکه شوه او تر هغه وروسته چې ټول نظرونه او وړاندیزونه واورېدل شول، د بورډ غړو په اکثریتو رأیو تایید کړه.

په دې کړنلاره کې د بورډ موخې، تشکیلاتي جوړښت او د بورډ د عمومي مجمع دندې شاملې دي.

همدارنګه په دې کړنلاره کې د ټولنې له بېلابېلو پاړکو او د سولې بهیر له اړوندو جوړښتونو سره د بورډ د غړو ارتباطي او مشورتي میکانیزم هم په پام کې نیول شوی.

د یادلو ده چې د دغه بورډ غړي په یوه مشورتي ناسته کې ـ چې د مدني ټولنې د اویا بنسټونو په شتون کې د سیاسي جوړښتونو او مدني ټولنې د بنسټونو ریاست جوړه کړې وه ـ دغو بنسټونو له مرکز او اوو زونونو څخه ټاکلي دي. د سولې په چارو کې د دولت وزارت د دغه بورډ چارې تسهیلوي.

تازه خبرونه

چهارشنبه ۱۳۹۹/۴/۱۸ - ۱۳:۵۳
Background image

د بیان آزادۍ له فعالانو او د رسنیو له استازو سره د سولې په چارو کې د دولت وزارت مشورتي ناسته

د سولې په چارو کې د دولت وزارت د ستراتيژيکو اړیکو عمومي ریاست د یو شمېر کورنیو رسنیزو بنسټونو له مسؤولانو، د سولې برخې خبریالانو او له مرکز او ولایتونو څخه راغلو سینماګرانو سره د سولې. . .

چهارشنبه ۱۳۹۹/۴/۱۸ - ۱۲:۱۱
Background image

د سولې بهیر په اړه د پارلمان د غړو د نظرونو شریکولو لپاره په پارلماني چارو کې د دولت وزارت همکاري

د سولې په چارو کې د دولت وزارت د امنیتي، دفاعي، ملکي او زندانونو چارو د همغږۍ رئیس ډاکتر میرویس څرګند کوچي په پارلماني چارو کې د دولت له وزیر ضیاءالحق امرخېل سره وکتل. 
په دغه لیدنه کې. . .

سه‌شنبه ۱۳۹۹/۴/۱۷ - ۲۰:۱۰
Background image

له ځوانانو سره د مذاکره‌کوونکي ټیم مشورتي ناسته

د ځوانانو یو شمېر استازو د افغانستان اسلامي جمهوریت د مذاکره‌کوونکي ټیم له غړو، حبیبې سرابي، شریفې زرمتۍ وردګ او جنرال ایوب انصاري سره وکتل. 
په سر کې د مذاکراتي ټیم غړې حبیبې سرابي د. . .

خبرونه