د سولې لپاره د سیاسي ګوندونو کمیټې د بشري حقونو او مدني ټولنو د معنیت د چارو مرستیالې سره وکتل
د سولې په چارو کې د دولت وزارت د بشري حقونو او مدني ټولنو معنیت د چارو مرستیالې ډاکټر عالمې د سولې لپاره د سیاسي ګوندونو د تماس کمیټې سره وکتل او د سولې په پروسه کې د سیاسي ګوندونو پر رول خبرې وکړې.
په دغه کتنه کې د سولې لپاره د سیاسي ګوندونو د اړیکو کمیټې د بین الافغاني خبرو په دوام ، اوربند ، د سیمه ایزې اجماع لپاره پر هڅو، د تل پاتې سولې ته رسيدو او د افغانستان د اسلامي جمهوریت په چوکاټ کې د سولې راونې پروسې څخه ملاتړ د ټولو هېوادوالو دنده وبلله او د دوی په لا همکارۍ يې ټینګار وکړ.
د بشري حقونو او مدني ټولنو معنیت د چارو مرستیالې ډاکټرعالمې د مننې ترڅنګ په اوسني وخت کې د سیاسي ګوندونو دریځ د ملي اجماع په رامنځ ته کولو کې مهم وبله او د لا پياوړتیا تر څنګ یی ویې ویل چې د سولې په چارو کې د دولت وزارت به د ګوندونو ګډون ته زمینه برابره کړي.
