د سولې لپاره د سیاسي ګوندونو د تماس کمیټې د افغانستان د سولې لارې نقشې پر پوهاوي ټینګار
د سیاسي تشکيلاتو او مدنې ټولنو رياست او د سياسي ګوندونو د تماس کميټې د همغږۍ ناسته کې افغانستان د سولې لارې نقشې په اړه د عامه پوهاي لوړولو او سیاسي ګوندونو د نظرونو راټولولو په اړه بحث او خبرې وشوې.
د سولې په چارو کې د دولت د سیاسي تشکيلاتو او مدني ټولنو رئيسې د افغانستان د سولې لارې نقشې په اړه معلومات وړاندې کړل؛ کوم چې مخکې د افغانستان اسلامي جمهوریت د ښاغلي ولسمشر لخوا وړاندې شوې و. هغه وویل چې د افغانستان د سولې لارې نقشې په اړه د عامه پوهاوي لوړول او د بیلابیلو ډلو نظرونو راټولول اړین دي.
د سیاسي ګوندونو د تماس کمیټې غړو د افغانستان د سولې لارې نقشې په اړه د عامه پوهاوي لوړولو اړتیا ته په اشارې سره وویل، چې دوی به د نظرونو او وړاندیزونو راټولولو لپاره د سولې په چارو کې د دولت وزارت سره په همکارۍ، د سیاسي ګوندونو د تماس کمیټې په نوښت یوه غونډه جوړه کړي او په دغه غونډه کې راټول شوي نضريات او وړانديزونه به حکومت ته په واک کې ورکړي.
د یادونې وړ ده، چې په دغه ناسته کې د سولې لپاره د سیاسي ګوندونو د تماس کمیټې غړي مرحوم محمد ابراهیم رحیمي، چې په دې وروستیو کې په کابل کې ترور شوې و؛ د ياد، يادونه وکړه. هغه يې يو فعال، سياسي او اغيزمن شخصيت وباله.
