د بدخشان ولایت له خلکو سره د مذاکرهکوونکي پلاوي مشورتي ناسته
د سولې په چارو کې د دولت وزارت د قومونو او بنسټونو چارو د انسجام د معینیت په کوربهتوب د بدخشان ولایت د خلکو له بېلابېلو پاړکو سره د افغانستان اسلامي جمهوریت د مذاکرهکوونکي پلاوي مشورتي ناسته وشوه.
دغه ناسته د مذاکرهکوونکي پلاوي د مشر محمد معصوم ستانکزي، د مذاکرهکوونکي پلاوي د غړو فوزیې کوفي او ډاکتر محمد امین احمدي په حضور کې وشوه چې په پیل کې یې د سولې په چارو کې د دولت وزارت د قومونو او بنسټونو د چارو مرستیال عبدالخالق بالاکرزي وویل، دغه ناسته په ولایتونو کې له بېلابېلو پاړکو سره د مذاکرهکوونکي پلاوي د مشورتي ناستو د لړۍ په دوام جوړه شوې ده چې موخه یې د سولې په بهیر کې د خلکو ونډه تأمینول او له هغوی سره نظرونه تبادله کول دي.
د ناستې په دوام د مذاکرهکوونکي پلاوي مشر او غړو د مذاکراتو په لومړي دور کې د دغه پلاوي د کارکړنو په اړه ګډونوالو ته معلومات ورکړل او د سولې مذاکراتو په دویم پړاو کې یې د مذاکراتو د اجنډا پر اړوندو مسائلو خبرې وکړې.
د ناستې ګډونوالو خپلې پوښتنې، نظرونه او وړاندیزونه هم د مذاکرهکوونکي پلاوي له غړو سره شریک کړل.
دوی د لاستهراوړنو پر ساتلو، اوربند او جګړه ختمولو ټینګار وکړ او د مذاکرهکوونکي پلاوي له غړو یې وغوښتل چې د افغانانو د حقونو او ارزښتونو دفاع وکړي.
د مذاکرهکوونکي پلاوي غړو د ګډونوالو نظرونه او وړاندیزونه واورېدل، د هغوی پوښتنو ته یې ځوابونه وویل او ډاډ یې ورکړ چې دغه پلاوی به د افغانانو د ارزښتونو او غوښتنو دفاع وکړي.
