د امن کاروان مشر او جهادي شخصيت الحاج خليل الرحمن حقاني په شتون کې د هېواد ګڼو جهادي او قومي مشرانو, علمي کدرنو او ځوانانو د افغانستان اسلامي امارت څخه خپل ملاتړ اعلان کړ!

a.zia
یکشنبه ۱۴۰۰/۶/۷ - ۴:۵۴
Smp


د افغانستان اسلام امارت د امن کاروان مشر او جهادي شخصيت الحاج خليل الرحمن حقاني, د امن کاروان د عامه نظم مسؤل حاجي ارسلاخان خروټي, جهادي او علمي شخصيت قاري محمود شاه او علمي او جهادي شخصيت مفتي محمود ذاکري د هېواد له يو شمېر جهادي او قومي مشرانو, علمي کدرنو او ځوانانو سره د سولې په چارو کې د امارت وزارت د غونډو په تالار کې ناسته وکړه.
په پيل کې د امن کاروان د عامه نظم مسؤل ټولو ګډونوالو ته د ښه راغلاست ترڅنګ  د افغانستان اسلامي امارت په اهدافو رڼا واچوله او ټولو هېوادوالو ته يې ډاډ ورکړ, چې د اسلامي امارت غېږ د ټولو پرمخ خلاصه ده او هر څوک کولای شي خپل حقه حقوق د اسلامي ارزښتونو په رڼا کې ترلاسه کړي.
هغه وويل, هر چا ته به خپل حقوق په وخت ورسېږي.
ورپسې جهادي او علمي شخصيتونو قاري محمود شاه او مفتي محمود ذاکري خبرې وکړې او هغوی وويل: چې د افغانستان اسلامي امارت د خلکو د ځان او مال د ساتنې او امنيت دنده پر غاړه لري او په دغه برخه کې ټول ولس ته ډاډ ورکړل شوی دی.
يادو مشرانو وويل:چې دوی د هيواد اقتصادي پياوړتيا او ځان بساينې لپاره قوي هوډ لري او په دې برخه کې به چټک ګامونه پورته کړي.
نوموړو مشرانو له هېوادوالو وغوښتل, چې له زغم او حوصلې کار واخلي او له اسلامي امارت سره په هره برخه کې خپله همکاري ونه سپموي.
د دغې ناستې په جريان کې د هېواد بېلابيلو جهادي مشرانو او علمي شخصيتونو هم ويناوې وکړې او ټولو ګډونوالو ا.ا.ا په راتګ خوښي څرګنده کړه او خپل بشپړ  ملاتړ يې اعلان کړ.
ټولو غوښتنه وکړه, چې د ا.ا.ا دې د هېواد پرمختګ ته ځانګړي پاملرنه وکړي; ځکه اوس په هېواد کې سرتاسري امن دی او د هېواد له کدرونو دې د دې وطن په سمسورتيا کې کټه واخيستل شي.
ددغې ناستې په پای کې جهادي شخصيت او د امن کاروان مشر الحاج خليل الرحمن حقاني د ټولو راتګ او ملاتړ څخه ځانګړې مننه وکړه او د خلکو غوښتنو په ځواب کې وويل, چې اشغال ختم شوی او اوس وخت راسېدلی چې د هېواد د ابادۍ او پرمختګ لپاره په ګډه کار وکړو.
ښاغلي حقاني وويل: چې خپلو  ټولو پخوانيو دښمنانو ته يې عمومي عفوه اعلان کړې او له ټولو کدرونو يې هيله وکړه, چې خپلو کارونو ته په ډاډه زړه دوام ورکړي.
هغه وويل, چې په اسلام او وطن به هېڅکله معامله ونه کړي او د ژوند تر پايه به ترې دفاع کوي او دا يې د ټولو هېوادوالو دنده هم وبلله.
هغه ولس ته ډاډ ورکړ, چې په راتلونکي نظام کې خاينانو ته ځای نشته او په راتلونکي نظام کې به د ټول هېواد رښتني استازي ګډون ولري او د افغانستان اسلامي امارت به دا هرڅه په عمل کې ثابتوي.

تازه خبرونه

چهارشنبه ۱۴۰۰/۶/۱۷ - ۷:۹
Background image

د افغانستان ګڼو قومي مشرانو، پوهنتون استادانو او صنعت کارانو په يوه لويه غونډه کې د ا.ا.ا خپل بشپړ ملاتړ او بيعت اعلان کړ.

دغه غونډه د قرانکريم په مبارکو اياتونو پيل شوه، ورپسې د سولې او امن کاروان د عامه نظم مسؤل او جهادي شخصيت قومندان ارسلا خان خروټي ټولو راغلو ميلمنو ته د ښه راغلاست ترڅنګ د ا.ا.ا په. . .

یکشنبه ۱۴۰۰/۶/۱۴ - ۷:۰
Background image

د هېواد تجارانو، د بېلابېلو ولايتونو قومي مشرانو او ځوانانو د افغانستان اسلامي امارت څخه خپل ملاتړ اعلان کړ!


د افغانستان اسلام امارت د امن کاروان مشر او جهادي شخصيت الحاج خليل الرحمن حقاني, د امن کاروان د عامه نظم مسؤل قومندان حاجي ارسلاخان خروټي، جهادي او علمي شخصيتونو قاري محمود شاه, مفتي. . .

یکشنبه ۱۴۰۰/۶/۱۴ - ۶:۵۴
Background image

د امن کاروان مشر د اسلامي حزب او اسلامي جمعيت له قومندانانو سره وکتل!

 

د ا.ا.ا د امن کاروان مشر او جهادي شخصيت الحاج خليل الرحمن حقاني او ددی کاروان رهبرۍ شورا غړو د اسلامي حزب او اسلامي جمعيت له قومندانانو سره وکتل.
په دغه کتنه کې د هېواد په سترې. . .

خبرونه