د افغانستان لپاره د ناروې له ځانګړي استازي او د دغه هېواد له سفیر سره د سولې په چارو کې د دولت وزیر لیدنه

د جمهور رئیس ځانګړي استازي او د سولې په چارو کې د دولت وزیر عبدالسلام رحیمي د افغانستان لپاره د ناروې له ځانګړي استازي پیر البرت الزاس او په افغانستان کې د دغه هېواد له سفیر کییل تورمود پيټرسن سره ولیدل. 
په دغه دوه اړخیزه لیدنه کې د سولې د پروسې او اړوندو موضوعاتو په اړه خبرې وشوې.
د ناروې پلاوي د سولې په برخه کې د افغان حکومت هڅې ارزښتناکې وبللې او له دغې پروسې یې ملاتړ څرګند کړ. 
د سولې په چارو کې د دولت وزیر د سولې د خبرو اترو په برخه کې د ناروې هېواد له هر اړخیز ملاتړ او په دغه پروسه کې له هڅو څخه د مننې په څرګندولو سره هیله‌مندي وښوده، چې دغه هېواد به په راتلونکي کې هم خپلو همکاریو ته دوام ورکړي.