«سوله‌جوړونه د چا مسؤولیت دی؟» تر سرلیک لاندې آزاد بحث جوړ شو

a.zia
پنجشنبه ۱۳۹۹/۶/۲۷ - ۱۷:۲۳
SMP

د سولې په چارو کې د دولت وزارت د دغه وزارت د مسؤولانو، د پوهنتون د استادانو، د مدني ټولنې د استازو او محصلینو په ګډون د کابل پوهنتون د معلوماتو په مرکز کې «سوله‌جوړونه د چا مسؤولیت دی؟» تر سرلیک لاندې آزاد بحث جوړ کړ.
د سولې په چارو کې د دولت وزارت د همغږۍ، پالیسۍ او ستراتيژۍ مرستیال عبداالله خنجاني، د دغې ناستې په پرانیستونکې وینا کې وویل چې د سولې په پروسه کې باید د ټولنې د ټولو پاړکو ونډه تضمین شي او د دغې چارې د پلي کولو لپاره اړتیا ده فضا د خلکو لپاره پرانیستې پرېښودل شي.
نوموړي د سولې په بهیر کې د خلکو د غوښتنو اهمیت ته په اشارې سره وویل د سولې په بهیر کې د خلکو تر غوښتنو هېڅ مهم نه‌دي او اوسنۍ ناسته هم د سولې په برخه کې د خلکو او مدني ټولنې د همکارۍ د فضا رامنځته‌کولو په موخه جوړه شوې ده.
ښاغلي خنجاني همدا راز د سولې په بهیر کې د خلکو د رول پر اهمیت ټینګار وکړ او ویې ویل جمعي غوښتنه د سولې په پروسه کې د افغانانو مالکیت دی او حکومت د استازي په توګه کولی شي له خلکو سره په همغږۍ په دغه بهیر کې د خلکو غوښتنې ځای کړي. نوموړي همدا راز وویل د افغانستان د سولې په بهیر کې حدود د افغانستان د خلکو له‌خوا دي.
ورپسې د افغانستان د عدالت مؤسسې د رئیسې لیلما ناصري، د سولې د ولسي خوځښت د پیلوونکي اقبال خیبر، د پوهنتون د استاد محمد اکبر سروري په ګډون آزاد بحث پيل شو چې پروګرام د سولې په چارو کې د دولت وزارت د بهرنیو اړیکو رئیس سعید مددي پر مخ ووړ.
د افغانستان د عدالت مؤسسې رئیسې لیلما ناصري سوله‌جوړونه د ټولو خلکو او حکومت مسؤولیت وباله او ویې ویل سوله‌جوړونه د ټولو خلکو، حکومت، مدني ټولنې او نړیوالې ټولنې مسؤولیت دی او ټول باید خپل مسؤولیت وپېژني.
دې همدا راز زیاته کړه چې باید د حکومتي او نړیوالو بنسټونو ترمنځ پیاوړې اړیکه رامنځته شي ترڅو د ټولنیز وېش مخه ډپ شي او د افغانستان خلک سولې ته ورسېږي.
وروسته د سولې د ولسي خوځښت یو تن بنسټ‌اېښودونکي اقبال خیبر په کلیو کې د سولې لپاره د ولسي کار اهمیت ته په اشارې سره وویل اړتیا ده په تګلارو کې بدلون راشي او د سولې ناستې او پروګرامونه کلیو ته ولېږدول شي. نوموړي د تاوتریخوالي ختمولو لپاره ولسي کار مهم وباله او ویې ویل اړتیا ده چې د ښار د خلکو او کلیو ترمنځ واټن له منځه یوړل شي.
د پوهنتون استاد محمد اکبر سروري هم د سولې په بهیر کې د ټولو خلکو د ونډې پر اهمیت په ټینګار وکړ او زیاته یې کړه چې د سولې رامنځته‌کولو په ځانګړې توګه ټولنیزې سولې اړتیا ده تر څو د تاوتریخوالي په له منځه‌وړلو کار وشي. نوموړي ټینګار وکړ چې د تاوتریخوالي مهار باید له کوره پیل او په ټولنه کې پای ته ورسېږي. نوموړي همدا راز وویل چې سوله‌جوړونه باید په یو دیني باور بدله او په عمل کې پلې شي.
د سولې په چارو کې د دولت وزارت د بشري حقونو او مدني ټولنې مرستیالې ډاکتر عالمې هم وویل چې د خلکو نظرونه تل د وزارت لپاره مهم وو او هڅه به‌وشي د سولې په بهیر کې د ټولو پاړکو نظرونه او وړاندیزونه واورېدل شي.
د آزاد بحث په پای کې یو شمېر ګډونوالو خپل نظرونه هم شریک کړل.

تازه خبرونه

سه‌شنبه ۱۳۹۹/۸/۶ - ۱۴:۳۷
Background image

د سولې په چارو کې د دولت وزیر د فنلنډ د بهرنیو چارو له وزیر سره وکتل

د سولې په چارو کې د دولت وزیر سید سعادت منصور نادري او د ملي مصالحې عالي شورا د رئیس ډاکتر عبدالله عبدالله ستر سلاکار مصطفی مستور د فنلنډ د بهرنیو چارو له وزیر پکا اولاوي هاویسټو سره. . .

دوشنبه ۱۳۹۹/۸/۵ - ۱۸:۱۳
Background image

د ناروې له سفیر سره د سولې په چارو کې د دولت د وزیر لیدنه

د سولې په چارو کې د دولت وزیر سید سعادت منصور نادري په کابل کې د ناروې له سفیر اولي انډرس لېنډمن سره ولیدل. ښاغلي نادري په دغه نساته کې د سولې په روانو مذاکراتو کې د ناروې هېواد له. . .

دوشنبه ۱۳۹۹/۸/۵ - ۱۵:۳۹
Background image

د سولې په چارو کې د دولت وزیر په کابل کې د متحدو ایالتونو د سفارت له شارژدافیر سره وکتل

د سولې په چارو کې د دولت وزیر سید سعادت منصور نادري په کابل د امریکا متحدو ایالتونو د سفارت له شارژدافیر راس وېلسون سره په خپل کاري دفتر کې وکتل.
په دې لیدنه کې د سولې په چارو کې د دولت. . .

خبرونه