"انگلستان هزاره لری" بیلن مذاکره قیلووچی هییت عضوی حبیبه سرابی نینگ اولتیریشده اشتراکی

a.zia

۸ مارچ-عیاللر خلق ارا کونی مناسبتی اوچون "انگلستان هزاره لر شوراسی" تمانیدن آلینگن اولتیریشده که انلاین شکلده ایدی خلق ارا روابط و بشر حقلری ایشلری بوییچه دولت ایسکی وزیری سیما سمر حضورلیگیده افغانستان اسلامی جمهوریتی مذاکره قیلووچی هییت عضوی حبیبه سرابی اشتراک ایتیب، سیاسی مشارکت و صلح مذاکره سیده عیاللر اشتراکی اهمیتی و نقشی حقیده سوزله دی.
بو اولتیریشده خانم سرابی ایتدی: خاتین - قیزلر خلق ارا کونیدن شونده ی حالده نشانلنه دی که افغانستان صلح مذاکره سی دوامی بار و بو رونده افغانستان عیاللریدن نماینده لیک قیلیشیمدن کوپ خورسند من، مین و همکارلریم بیلن عیاللر دستاوردینی سقلش و حقلری نی آلیشده هیچ قنده ی کوره شدن واز کیچمه یمیز دیگن.
همده او ایتدی: بختگه قرشی سونگی پیتلرده اولکه ده هدفلی اولتیریش و زوره وانلیکلر کوپه یشی، افغانستان ایلی نی کوپ رنج ایتماقده شونینگ اوچون بیزنینگ جدی تلاشیمیز آتیش کیسیم برقرارلیگی و بو جاری وضعیت نینگ توخته لیشی حقیده دیر.
سیاسی قیینچیلیکلری و بو یولده کورگن مشکلاتلر، افغانستان عیاللری حقی و اولرنینگ سیاسی، اجتماعی، اقتصادی بوییچه صحبت قیلگن خانم حبیبه سرابی، برچه عیاللر اوزلری نینگ حقلری نی آلیشده جدی و برچه کوچلری بیلن حرکت قیلیشلری کیره ک دیگن.
قانون نی تطبیق قیلیشده عیاللر کینگ اشتراکی نی مهم دیب اشاره قیلگن او، عیاللر باید بیر سیسلی بولیشلری لازم دیب ایتدی، او.
خانم سرابی، یوقاری تصمیم آلوچی سطحلریده عیاللر حضوری نی مهم و ارزیگولیک بیلیب، مسوولیتلرنی یخشی ایلگری آلیب کیتیشده و بوکونگی عصر ضروریتلرگه کوره عیاللر ظرفیتلری نی کینگه یتیریش بوییچه تاکیدله گن، او.