مذاکره قیلوچی هیئت اعضالری امریکا مدافعه وزیرلیگی اورینباسر لیگی نینگ افغانستان، پاکستان و اورته آسیا بوییچه مسوولی بیلن بولگن آنلاین ییغینده اشتراک قیلدیلر
افغانستان اسلامی جمهوریتی نینگ مذاکره قیلوچی هیئتلری نینگ اعضاسی فوزیه کوفی و شریفه زرمتی وردک آمریکا مدافعه وزیرلیگی نینگ افغانستان، پاکستان و اورته آسیا بوییچه پالیسی و استراتیژی معاونی ربیکا زیمرمن و بیر قطار انسان حقلری و خاتین - قیزلر حقلری بولیمیدهگی فعال ایاللر حضوریده اوتکزیلگن آنلاین ییغینده اشتراک قیلدیلر.
خانم کوفی نینگ بو اولتیریش ده ایتیشیچه: ایاللر نینگ ایریم بولیم لرگه فعال قتنهشیش لری، بو یولده کورهشیب و خاتین - قیزلر رولینی جدی آلیب کیلگن ایاللر نینگ دواملی ایشی نینگ محصولی دیر.
بو مبارزلر نینگ بیر قطاری تاسف بیلن آرهمیز ده یوق و افغانستان خلق ارا همکار لری نینگ ایاللرنی حمایت ایتیش زمینه سیدهگی رولی هم تاثیرلی بولگن.
او ایاللر نینگ یرهشوو روندی گه قتنهشیشی، حقوقلری تامینلنیشی و قول کیریتمهلری اسرهلیشی اوچون مهم و حیاتی دیب ایتیشیچه، افغانستان یرهشووی مذاکره لریده فعال رولی بولگن ایاللر سانی ییترلی ایمس، اما بو خصوصده بیر آدیم آلدین تمان حسابلنهدی.
فوزیه کوفی اوتکن ۲۰ ییلده افغانستانده اورتگه کیلگن اوزگریشلر گه اشاره قیلیب، بو توغریده ایاللر نینگ اساسی و کوچلی نقشی بار ایدی دیب اتیشیچه، صلح روندی جریانیده، مملکت نینگ تورلی نقطه لریده ایاللر بیلن سوزلهشیب و مصلحت قیلگن میز و برچه پیت اولر نینگ فکر لری و خواطر لریدن جویا بولگن میز.
خانم کوفی آتیش کیسین نی افغانستان اسلامی جمهوریتی مذاکره قیلوچی هیئتلری تامانیدن مقابل تامان گه بحث اوچون مطرح بولگن بیرینچی مورد دیب ایتیشیچه، ایکی تامان نینگ ییترلی تعهدی روند موفقیتی اوستیده اساسی تاثیر تشلهی آلهدی.