افغانستان مدنی جامعه مجتمعی بیلن مذاکره قیلووچی هیئت اعضاسی و رییسی نینگ اولتیریشی

افغانستان اسلامی جمهوریتی مذاکره قیلووچی هیئت رییسی محمد معصوم ستانکزی و ایریم هیئت اعضاسی، افغانستان مدنی جامعه مجتمعی بیلن آنلاین اولتیریشده اشتراک ایتیب، صلح بوییچه سوزله گنلر.
صحبت باشله نیشده ملی یره شوو یوکسک کینگاشی اورین باسری اسدالله سعادتی، افغانستان صلحی و اوروشی حقیده سوزلب، صلح نی ملی و دینی ضرورت دیگن.
اونگه کوره افغانستان اسلامی جمهوریتی مذاکره قیلووچی هیئتی ده جامعه نینگ تورلی گروه لری آینیسقه دین عالملری حضوری بار دیگن. افغانستان صلحی بوییچه دین عالم لری نینگ نقشی نی اوته تاثیرلی دیگن او.
مذاکره قیلووچی هیئت رییسی محمد معصوم ستانکزی، افغانستان صلح روندی ده مستقیم یا غیر مستقیم شکلده جهان اولکه لری اینیسقه اسلامی اولکه لر نینگ نقشی حقیده سوز یوریتدی. دوحه ده صلح روندی قنده یلیگی نی حقیده معلومات بیریب، اولکه بوییچه زوره وانلیک کوپپه ییشی نی مردم اوچون قبول ایمس و زیان بار مسله دیب ایتدی، او.
مذاکره قیلووچی هیئت ترکیبیده گی بولگن دین عالم لری نینگ منطقی سوزلری و صلح مذاکره سی جریانیده کوچلی دلیللری و نقشلری بوییچه اشاره قیلگندن سونگ اولردن منتدارلیک بیلدیردی حرمتلی ستانکزی.
افغانستان ده جاری اوروش نی ناروا بیلگن اسلام جهان عالملری شورا اعلامیه سی حقیده مذاکره قیلووچی هیئت رییسی ایتدی که بو اعلامیه کینگ شکلده ترقلگن و افغانستان اوروشی توغریسیده اسلام عالملری قره شلری آچیق و آیدین دیر دیگن.
ستانکزی جنابلری اولکه بوییچه سونگی ییللرده اورته گه کیلگن ظرفیتلر اینیسقه دینی عرصه سیده وجودگه کیلگن ظرفیتلرنی مهم و اولرنینگ نقشی و فعالیتلری نی صلح عرصه سیده کوپ تاثیرلی بیلگن.
او ایتدی: بیز شو پیتده جوده حساس یعنی اوروشدن صلح تمان بارماقچی میز و بونده ی وقتده اولکه ده صلح و انسجام کیلیش اوچون افغانستان دین عالملری بیر بیراولری گه یقین و بیرلیک فکر بیلن حرکت قیلیش کیره ک، چونکه اولکه ده گی جاری خشونت و اوروش شریعت اصولی و اسلام بویروغی گه قرشی دیر.
صلح روندی ده تورلی عرصه لرده ایچکی اجماع گه تاکید قیلگن و  تاثیرلی فکتور بیلگن مذاکره قیلووچی هیئت رییسی، ایتدی که صلح روندی افغانلر اورته سیده بولیشی و جامعه ده قبول بولینگن اصول لر گه کوره، افغانلر اوزلری تصمیم آلیشی کیره ک دیگن.
ادامه ده مذاکره قیلووچی هییت عضوی مولوی عنایت الله بلیغ؛ صلح روندی ده اوروش قربانلری و یاشلری نینگ اورنی حقیده سوزله دی.
بلیغ جنابلری ایتدی که بیرینچی بیزنینگ ایسته گیمیز، آتیش کیسیم آرقه لی اوروش توخته لیشی و ملکی کیشیلر اولومی نینگ دمی نی آلیش دیر، چونکه وطنداشلر نا روا اوروش اوچون کونده لیک قربانلیک بیرماقده دیگن.
او ایتدی که اولکه ده یاشلر نینگ نقشی جوده مهم دیر، امنیتی کوچلر یاشلر دن تشکیل تاپیلگن دیرلر و وطن، مردم اوچون کونده جانلرینی قربان قیله دیلر شونینگ اوچون اولردن کوپ منتدار و مدیون میز دیگن، او.
مولوی بلیغ جنابلری صحبت دوامیده ایتدی که فعلی نظامی میز اسلامی نظام دیر  و بونینگ کوچله نیشی اوروش توگه لیشی اوچون مقابل تمانلر بیلن اسلامی دلیل و منطق آرقه لی بحث و مذاکره قیلیشده حاضر میز، دیگن. همده جامعه نینگ تورلی قشرلری نینگ حقی و دست آوردلری سقله نیشی اسلام دینی اساسی بویروغلری دیر و بیز مشترک ایش اوچون خدمت قیلیشده حاضر میز دیدی، او.
مذاکره قیلووچی هیئت عضوی بولگن فوزیه کوفی، تاریخ بوییچه عالم لر و عیاللر نقشی حقیده اشاره قیلگندن سونگ، اوروش ختمی و صلح تامینی اوچون دین دن یخشی توشونگن و اورته چه محور و اورته سیور دین عالم لری نینگ نقشی نی اوته مهم بیلگن.
اقتصادی و اجتماع بوییچه عیاللرنینگ نقشی نی مهم و تاکید قیلگن خانم کوفی ایتدی که اولرنینک شرعی حقلری سقله نیشی کیره ک دیدی. همده افغان عیاللری جامعه نینگ یرمی جمعیتی نی تشکیل بیرووچی عنوانیده و عین ایرککلردیک اورگه نیش و ایشلش حقی اسلام گه کوره بیریلیشی و سقله نیشی بیلن اولردن بو حق نی آلمسلیک لازم دیدی او.
ایککی تمان اوروش قربانلری حقلری گه تینگ ییتیشیش مذاکره قیلووچی هیئت اعضاسی نینگ ایش بولیمیلریدن بیری دیب اشاره قیلگن فوزیه کوفی، قربانلرنینگ سیسلری نی کیریتیش و اولر حقی تامینله نیشی اوچون مشوره لیک اولتیریش و دواملی شکلده بیزنینگ رابطه میز اولر بیلن بولیش گپلری دایر بولگن دیر دیب ایتدی او.
اولتیریش سونگیده اشتراکچیلر اوزلری نینگ سوراقلری و ایستک و نظرلری نی بیان ایتدیلر و سونگره مذاکره قیلووچی هییت رییسی و اعضاسی اولرگه جواب قیترگنلر.