مذاکرهلر هیأتی رئیسی و اعضالرینینگ ناتوگه اعضا دولتلرنینگ اېلچیلری بیلن اوچرهشووی
افغانستان اسلام جمهوریتی مذاکرهلر هیأتی رئیسی محمدمعصوم ستانکزی و مذاکرهلر هیأتینینگ بیر قطار اعضالری ناتوگه اعضا دولتلرنینگ اېلچیلری و وکیللری بیلن آنلاین طرزده صحبتلشدیلر.
اوچرهشووده افغانستان تینچلیک مذاکرهلری جریانی بحثگه آلیندی.
دستلب جناب ستانکزی افغانستان تینچلیک جریانینی قۉللب-قُوّتلگنی و زۉرهوانلیکلرگه برهم بېریشگه اورغو بېرگنی اوچون خلق ارا همجمعیتگه، خصوصاً ناتوگه اعضا دولتلرگه منتدارلیک بیلدیردی.
مذاکرهلر هیأتی رئیسی، شونینگدېک، مذاکرهلر هیأتی عیال اعضالرینینگ فعال و مهم رۉللری اوچون هم منتدارچیلیگینی بیلدیردی.
مذاکرهلر هیأتی اعضالری ناتونینگ انسان حقوقلری، عیاللر حقوقلری و آزچیلیکلرنی قۉللب-قُوَّتلش بارهسیدهگی همکارلیگی و دایمی آتش کېسیم اعلان قیلیش ضرورلیگی تۉغریسیده گپلشدیلر.
اوچرهشوو سۉنگگیده بیر قطار اېلچیلر و ناتوگه اعضا دولتلرنینگ وکیللری افغانستان تینچلیگی جریانی تۉغریسیده اۉزلرینی قیزیقتیرگن سۉاللرنی اۉرتهگه تشله دیلر و مذاکرهلر هیأتی اعضالری اولرنینگ سۉراقلریگه جواب بېردیلر.
یقینده ناتونینگ افغانستاندهگی ملکی وکیلی ستیفانو پونتیکورو اشتراکچیلرگه قتنشگنلری اوچون منتدارلیک بیلدیردی و ناتو افغانستان تینچلیک جریانینی قۉللب-قُوَّتلشیگه صادقلیگینی اَیتدی.