مذاکرهلر هیأتی اسلام علمالری بوتون جهان اتفاقی رهبرلیگی بیلن اوچرهشدی
بوگون افغانستان اسلام جمهوریتی مذاکرهلر هیأتی اعضالری مولوی عطاؤالله لودین، مولوی عنایت الله بلیغ و محمد ناطقی، دوحهدهگی بوتون جهان اسلام علمالری اتفاقی رهبرلیگی اعضالری دکتور احمد الریسونی و دکتور قره داغی بیلن اوچرهشدیلر.
اوشبو اوچرهشوو تامانلر افغانستان تینچلیک جریانی حقیده فکر المهشیب، بحث آلیب باردیلر.
بوتون جهان اسلام علمالری اتفاقی رهبرلیگی افغانستاندهگی حاضرگی اوروشده دینی قانونیلیک و مشروعیت یۉقلیگینی اَیتدی؛ شونینگ اوچون اوروشنی تۉختهتیش مقصدیده سیاسی یېچیم ایزلش کېرهک، دېدی. اولرنینگ قۉشیمچه قیلیشیچه، حاضرگی وضعیتده زۉدلیک بیلن آتش کېسیمنی اۉرنهتیش دیني مجبوریت و واجبدیر و مذاکرهلر اشتراکچیلری بو حقده علاجی باریچه تېزراق کېلیشیب آلیشلری کېرهک.
شونینگدېک، اولر افغانستانده دوام اېته یاتگن اوروشنی سیاسي مخالفتلردن کېلیب چیققنینی اَیتیب، افغانستان قۉشنیلرینینگ تینچلیک جریانیدهگی رۉلی مهملیگینی تأکیدلدیلر.
اوشبو اوچره شووده بوتون جهان علمالری اتفاقی ادارهسی رهبرلیگی مذاکره آلیب بارهیاتگن تامانلرنی تینچلیک مذاکرهلری جریانینی صبر-حوصله بیلن تېزلشتیریشگه چقیردی.