قومي آقسقاللر مملکت مقیاسیده‌گی آتش کېسیمنی قۉللب-قُوَّتله‌دیلر

a.zia
Tue, Jan 12 2021 10:20 AM
smp

ننگرهار، بغلان، قندوز، کابل، بامیان، لغمان، پروان، خوست، غزنی، لوگر، بدخشان و قندهار ولایتلریدن کېلگن بیر قطار قومي آقسقاللر، تینچلیک بۉییچه دولت وزیرلیگی‌نینگ قوملر و مؤسسه‌لر ایشلرینی همجهتلشتیریش بۉییچه وزیر اۉرین باسری عبدالخالق بالاکرزی، انسان حقوقلری و مدني تشکیلاتلر بۉییچه وزیر اۉرین باسری داکتر عالمه، تینچلیک وزیرلیگی‌نینگ کتّه مصلحتچیسی سید فهیم سروش اشتراکیده بۉلیب اۉتگن اوچره‌شووده، مملکت مقیاسیده آتش کېسیمنی قۉللب-قُوَّتلشلرینی بیلدیردیلر.

تینچلیک ایشلری وزیرلیگی‌نینگ قوملر و مؤسسه‌لر ایشلرینی همجهتلشتیریش بۉییچه وزیر اۉرین باسری عبدالخالق بالاکرزی، قوملر آقسقاللرینی کوتیب آلر اېکن، تینچلیک برچه افغانستان خلقی‌نینگ ایستگی بۉلسه-ده، آتش کېسیمسیز تینچلیک معناسیزدیر، دېدی.

حاضرگی اوروش قربانلری‌نینگ اکثریتی تینچ اهالی اېکنلیگینی تأکیدلب، او دنیاده‌گی برچه تینچلیک شرطنامه‌لریده اول آتش کېسیم اعلان قیلینگنینی، سۉنگره تینچلیک کېلیشوویگه اېریشیلگنینی اَیتدی. شونگه بناءً تینچلیک مذاکره‌لرینی کوچه‌یتیریش و ایلگری سوریش اوچون آتش کېسیم اعلان قیلینیشی کېره‌ک دېدی او.

تینچلیک وزیرلیگی‌نینگ قوملر و مؤسسه‌لر ایشلرینی همجهتلشتیریش بۉییچه وزیراۉرین باسری، تینچلیک وزیرلیگی تورلی گروهلر بیلن اۉتکزگن مصلحت اوچره‌شوولری تۉغریسیده معلومات بېردی و اوشبوگروهلرنینگ فکر و تکلیفلری تینچلیک جریانی رسمیلری و مذاکره‌لر هیأتی بیلن اورتاقلشتیر-یلیشینی اَیتدی.

جناب بالاکرزی‌، تینچلیک برچه اهالی‌نینگ ایستگی بۉلگنینی اَیتیب، خلق اوشبو جریاندن خبردار بۉلیشی کېره‌کلیگینی تأکیدله‌دی.

باشقه تاماندن، ییغیلیش قتنشچیلری مذاکره‌لرنینگ مهم پلّه‌سیده آتش کېسیم بیتیمی‌نینگ اهمیتینی تأکیدلب، بیگناه آدملرنینگ قانینی تۉکیش انسانی و اسلامی قدریتلرگه ضد اېکنلیگینی اَیتدیلر.

شونینگدېک، اولر آتش کېسیم اۉرنتمسدن تینچلیک بۉلمه‌یدی، دېب تأکیدلدیلر و مذاکره آلیب باره‌یاتگن هیأتلر مذاکره‌لرنینگ ایکّینچی باسقیچیده آتش‌کېسیمگه کۉپراق اعتبارقره‌تیشلری کېره‌کلیگینی اَیتدیلر.

شونینگدېک، اولر تینچلیک جریانینی یخشیلیش اوچون قومي آقسقاللرنینگ رولینی حسابگه آلیش و اولر آتش کېسیم اعلان قیلیشده واسطه‌چیلیک قیلیشلری کېره‌کلیگینی اَیتدیلر.

بعضیلر، شونینگدېک، مذاکره‌لرنینگ بیرینچی باسقیچی جریانی کۉریب چیقیلیشی و اوشبو جریان‌نینگ پتالوژیسی (کسللیکلرینی اۉرگنیش) بیلن آتش کېسیم تۉغریسیده کېلیشیش اوچون ماس یۉلنی تنلش کېره‌کلیگینی تأکیدلدیلر

اوچره‌شوونی یکونلر اېکن، تینچلیک بۉییچه دولت وزیرلیگی‌نینگ کتّه مصلحتچیسی سید فهیم سروش، افغانستان اسلام جمهوریتی‌نینگ مذاکره‌لر آلیب بارووچی هیأتی بوتون افغانستان خلقیدن وکالت قیله‌یاتگنلیگینی، شونینگ اوچون اولر خلق‌نینگ فکر و طلبلریگه اعتبار قره‌تیشی لازملیگی ایتیب، خلق‌نینگ ایستگی آتش کېسیم بۉلگنینی تأکیدلدی.

شونینگدېک، او مذاکره‌لر جریانیده و کېلیشوونی عملگه آشیریشده خلق رۉلینی مهم دېب اته‌دی و خلق بیلن حکومت اۉرته‌سیده‌گی مسافه‌نی برطرف اېتیش ضرورلیگینی تأکیدلدی..

جناب سروش آتش کېسیم، المشتیریب بۉلمه‌یدیگن تکلیف بۉلگنینی اَیتیب، خلق مذاکره آلیب بارووچی هیأتدن آتش کېسیمگه الترناتیف (بدیل) قبول قیلمسلیکلرینی و اونی عمل آشیریش اوچون انیق استراتیژی و رېجه‌ موجود بۉلیشی ضرورلیگینی سۉزله‌دی.

داوطلبۍ

Tue, Jan 26 2021 4:31 PM
Background image

سیاسی حزبلر بیلن علاقه کمیته‌سی‌نینگ بیرینچی ییغیلیشی بولیب اوتدی

سیاسی حزبلر بیلن علاقه قوریش کمیته‌سی‌نینگ بیرنیچی ییغیلیشی تینچلیک وزیرلیگی انسان حقوقلری و مدني جماعه‌چیلیک ایشلری بۉییچه وزیر اۉرین باسری دکتور عالمه اشتراکیده بۉلیب اۉتدی.

تینچلیک. . .

Tue, Jan 26 2021 11:13 AM
Background image

تینچلیک بۉییچه دولت وزیری وظیفه‌سینی بجرووچی یوناما مدیری اۉرین باسری بیلن اوچره‌شدی

تینچلیک ایشلری بۉییچه دولت وزیری وظیفه‌سینی بجرووچی و موافقلشتیریش، سیاست و استراتیژی بۉییچه وزیر اۉرین باسری عبدالله خنجانی یوناما مدیری اۉرین باسری استیو بروکینگ بیلن اوچره‌شدی

اوش. . .

Sun, Jan 24 2021 10:43 AM
Background image

تینچلیک بۉییچه دولت وظیفه‌سینی بجرووچی چک جمهوریتی اېلچیسی بیلن اوچره‌شدی

تینچلک ایشلری بۉییچه دولت وزیری وظیفه‌سینی بجرووچی و موافقلشتیریش، سیاست و استراتیژی بۉییچه وزیر اۉرین باسری عبدالله خنجانی چک جمهوریتی‌نینگ کابلده‌گی اېلچیسی ایرژی بالون بیلن اوچره‌شدی. . .

BACK TO NEWS