دنیا جماعه‌چیلیگی مملکتده جاری زۉره‌وانلیکلرنی تۉخته‌تیلیشینی طلب قیلدی

a.zia
Sun, Jan 17 2021 3:28 PM
SMP

ملی یره‌شوو عالي کېنگشی‌نینگ خلق ارا و منطقه ایشلری بۉییچه کمیسیونی، تینچلیک ایشلری بۉییچه دولت وزیرلیگی و تشقی ایشلر وزیرلیگی تامانیدن افغانستان‌ده تینچلیک جریانی حمایه‌‌سیده کېلیشوونی کوچه‌یتیریش‌نینگ ایکّینچی ییغیلیشی بۉلیب اۉتدی.
ملّي یره‌شو‌و عالی کېنگشی رئیسی داکتر عبدالله عبدالله، تینچلیک ایشلری بۉییچه دولت وزیری و مذاکره‌لر هیأتی عضوی سید سعادت منصور نادری، افغانستان اسلام جمهوریتی مذاکره آلیب بارووچی هیأتی‌نینگ رئیسی محمد معصوم ستانکزی، تینچلیک بۉیینچه دولت وزیرلیگی‌نینگ موافقلشتیریش، سیاست و استراتیژی بۉییچه وزیر اۉرین باسری عبدالله خنجانی، تشقی ایشلر وزیرلیگی‌نینگ سیاسی ایشلر بؤییچه وزیر اۉرین باسری میرویس ناب، چېت اېل مملکتلری اېلچیلری و افغانستان‌ده تینچلیک جریانی همکاری بۉلگن خلق ارا مؤسسه‌لر وکیللری قتنشوویده بۉلیب اۉتگن بو ییغیلیشده تینچلیک جریانیگه دایر منطقو و جهان کېلیشوو حقیده فکر المه‌شیلدی.
ییغیلیش باشیده تینچلیک ایشلری بۉییچه دولت وزیری و افغانستان اسلام جمهوریتی مذاکره‌لر هیأتی عضوی سید سعادت منصور نادری، تینچلیک جریانی همکار اۉلکه‌لر تامانیدن حمایه‌قیلینیشی اوشبو جریاننی اېلگری سوریشده مهمليگینی تأکیدلب اَیتیشیچه، افغانستان تینچلیک جریانی مسأله‌سیده منطقه مملکتلری‌نینگ کېلیشووی ضروردیر.
او، منطقه برقرارلیگی افغانستانده تینچلیک تأمینلنیشیگه باغلیق بۉلگنینی اَیتیب، بو کبی ییغیلیشلرنینگ اۉتکزیلیشی منطقه مملکتلری و دنیا جماعه‌چیلیگی بیلن تینچلیک جریانی حقیده فکر المه‌شیش زمینینی تیارله‌یدی دېدی.
ملّي یره‌شوو عالی کېنگشی رئیسی داکتر عبدالله عبدالله، مملکتده تینچلیک اۉرنه‌تیش اوچون منطقه و خلق ارا کېلیشووگه اېریشیش ضرورلیگینی تأکیدلب، افغانستان اسلام جمهوریتی منطقوی و خلق ارا همکارلیکلرنی جلب اېتیش اوچون سعی و حرکت آلیب باریشینی اَیتدی.
افغانستان اسلام جمهوریتی مذاکره آلیب بارووچی هیأت رئیسی محمدمعصوم ستانکزی، تینچلیک مذاکره‌لری جریانی‌نینگ اېلگری باریشی و مذاکره‌لرنی آلیب باره‌دیگن هیأت وظیفه‌لریگه تۉخته‌لر ایکن، تینچلیک مذاکره‌لری‌نینگ بیرینچی باسقیچیدن کیینگی قیسقه تنفس پیتیده افغانستان اهالیسی‌نینگ تورلی قتلملری و مؤسسه‌لر بیلن مصلحت اوچره‌شوولری اۉتکریلگنینی اَیتدی. اونینگ سۉزلریگه کۉره، مصلحتلشیلگن کیشیلرنینگ همه‌سی مملکتده وطنداشلیک حقوقلری، سۉنگگی ییللرده قۉلگه کیریتیلگن حقوقلرنی سلقش و زۉره‌وانلیکلرنینگ تۉخته‌تیلیشینی ایسته‌یدی.
ییغیلیشده سۉزگه چیققن تشقی ایشلر وزیرلیگی‌نینگ سیاسی اۉرین باسری میرویس ناب، «بیز منطقه دولتلری و اسلام دنیاسی بیلن دیپلوماسیمیزنی کوچه‌یتیریشگه حرکت قیلدیک و مملکتده آتش کېسیم بیتیمینی قۉللب-قُوَّتلشگه دایر اولرنینگ پیاملرینی آلدیک»، دېدی. اونینگ اَیتیشیچه، اسلام دولتلری‌نینگ بو باره‌ده تأکیدلگنیدېک، اسلام دینیده زۉره‌وانلیککه اۉرین یۉق.
اوچره‌شوونی یکونلر اېکن، ملّي یره‌شووعالي کېنگشی رئیسی داکتر عبدالله عبدالله، اشتراکچیلرنینگ افغانستان اسلام جمهوریتی‌نینگ تینچلیک‌پرورلیک حرکتلرینی قۉللب-قُوَّتله‌یاتگنی اوچون اۉز منتدارلیگینی بیلدیردی؛ تیزلیک بیلن آتش کېسیم اۉرنه‌تیش، زۉره‌وانلیکنی تۉخته‌تیش، تینچلیک مذاکره‌لرینی تیزلشتیریش، تینچلیک جریانیگه افغانستانلیکلرنینگ  یېتکچیلیک و اېگه‌لیک حقوقی، جاری زۉره‌وانلیکلرنی قاره‌لش، خلق ارا همکارلرنینگ تینچلیک حمایه‌سیده بیرآوازده بۉلگنلیکلری بوگونگی ییغیلیشده کۉتریلگن موضوعلر جمله‌سیدن بۉلگنینی اَیتدی.  
تأکیدلش جایزکه، ییغیلیشده بویوک بریتاینا، تورکیه، هندوستان، فرانسه، اوروپا اتفاقی، امریکه بیرلشگن ایالتلری، ناروی، قطر، ایتالیا، اندونیزیا اېلچیلری، ناتونینگ ملکی اېلچیسی، یونیما وکیلی و اسلام همکارلیک تشکیلاتی وکیلی هم سۉزگه چیقدیلر.

 

داوطلبۍ

Mon, Apr 05 2021 2:11 PM
Background image

افغانستان اوچون بیرلشگن ملتلر باش کاتبی خاص نماینده سی معاونی بیلن صلح دولت وزراتی وزیری نینگ اوچره شووی

افغانستان اسلامی جمهوریتی مذاکره قیلووچی هییت مذاکره سی عضوی و صلح دولت وزراتی وزیری سید سعادت منصور نادری، افغانستان اوچون بیرلشگن ملتلر سازمانی باش کاتبی خاص نماینده سی معاونی خانم. . .

Mon, Apr 05 2021 2:01 PM
Background image

تورکیه ایلچیسی بیلن صلح دولت وزیرلیگی وزیری نینگ اوچره شووی

افغانستان اسلامی جمهوریتی مذاکره قیلووچی هییت عضوی و صلح دولت وزراتی وزیری سید سعادت منصور نادری، کابل ده تورکیه ایلچیسی اوغوزخان ارطغرول بیلن اوچره شدی.
بو اوچره شوو ده افغانستان صلح. . .

Mon, Apr 05 2021 4:41 AM
Background image

صلح طرحی مسوده نی تهیه لاوچی و نظرلرنی ییغیش کمیته سی اولتیریش اوتکزدی

صلح طرحی مسوده تهیه لاوچی و نظرلر ییغیش موظف کمیته سی ملی مصالحه شورا کینگاشی عضوی محمد یونس قانونی باشچیلیگیده؛ سپیدار قصری ده ملی مصالحه عالی کینگاشی رییسی دوکتور عبدالله حضوری بیلن. . .

BACK TO NEWS