تینچلیک بۉییچه دولت وزیری وظیفه‌سینی بجرووچی‌نینگ ناروی‌نینگ کابل
تینچلیک بۉییچه دولت وزیری وظیفه‌سینی بجرووچی، موافقلشتیریش، سیاست و استراتیژی بۉییچه تینچلیک ایشلری وزیری‌نینگ اۉرین باسری عبدالله خنجانی کابل‌ده ناروی‌نینگ موقت ایشلر وکیلی کارل سالیکس بیلن اوچره‌شدی.
تینچلیک ایشلری بۉییچه دولت وزیری وظیفه‌سینی بجرووچی دوحه‌ده بۉلیب اۉتگن افغانستان تینچلیک مذاکره‌لریده‌گی اۉزگریشلر حقیده سۉز یوریتیب، او افغانستان‌ده‌گی زۉره‌وانلیک و مقصدلی ترورلر اوج آله یاتگنیدن جدی خواطرده اېکنلیگینی اَیتدی. دوحه‌ده دوام اېته یاتگن تینچلیک مذاکره‌لری پیتیده زۉره‌وانلیک‌نینگ بو درجه‌سی افغانستان خلقی اوچون قبول قیلینیشی ممکن اېمسلیگینی اورغوله‌دی.
عبدالله خنجانی شونیندېک، خلق ارا همجمعیت، شو جمله‌دن ناروی‌نینگ افغانستان کېله‌جگی اوچون اۉز سۉزلریده تورگنیدن قدردانلیک بیلدیریب، افغانستان‌نینگ هم شفّافلیک و حساب بېریش طرفداری اېکنلیگینی تأکیدلدی.
ناروی‌نینگ ایشلری بۉییچه کابل‌ده‌گی موقت وکیلی کارل سالیکس افغانستان تینچلیک مذاکره‌لرینی قۉللب-قُوَّتلشینی بیلدیرر اېکن، یقینده عملگه آشیریلگن مقصدلی قاتللیکلرنی قاره‌له‌دی. او افغانستان‌ده دایمی تینچلیککه اېریشیش اوچون ایکّی مملکت‌نینگ اۉرتاق سعی-حرکتلرینی تأکیدلدی.
جناب کارل سالیکس ژنیواده اۉتکزیلگن «افغانستان- 2020 ییغیلیشی» ده خلق ارا همجمعیت تعهدلرینی اېسلب، قۉشیمچه قیلیشیچه، ناروی افغانستان خلقی بیلن همکارلیکنی دوام اېتتیریشگه صادقدیر.
