تینچلیک بۉییچه دولت وزیری وظیفه‌سینی بجرووچی‌نینگ اروپا تینچلیک انستیتوتی اجراچی رئیسی بیلن اوچره‌شووی

a.zia
Sat, Jan 16 2021 4:08 PM
Smp

تینچلیک ایشلری بۉییچه دولت وزیری وظیفه‌سینی بجرووچی و موافقلتشتیریش، سیاست و استراتیژی بۉییچه وزیر اۉرین باسری عبدالله خنجانی اروپا تینچلیک انستیتوتی‌نینگ اجراچی رئیسی مایکل کیتنگ و اونگه یۉلداش هیأت، شو جمله دن انستیتوت‌نینگ کتّه مصلحتچیسی پاتریک دی وریس بیلن اوچره‌شدی.

اوچره شوو دوامیده تامانلر افغانستان تینچلیک جریانیده‌گی ایکّی مؤسسه اۉرته‌سیده همکارلیک حقیده صحبلشدیلر و اوشبو همکارلیکنی کېنگه‌یتیریش امکانیتلری تۉغریسیده فکر المشدیلر.

تینچلیک بۉییچه دولت وزیری وظیفه‌سینی بجرووچی افغانستان تینچلیک جریانی بیلن باغلیق توزیلمه‌لر و تینچلیک ایشلریده دولت وزیرلیگی‌نینگ رۉلی حقیده سۉزلب بېردی

اونینگ سۉزلریگه کۉره، وزیرلیک افغانستان اسلام جمهوریتی‌ مذاکره‌لر هیأتینی تکنیک و مضمونلی قۉللب-قُوَّتلش بیلن بیرگه، ملّي یره‌شوو عالي کېنگشی و شونینگدېک، مذاکره‌لر هیأتی‌نینگ سکرترلیگی وظیفه‌سینی هم ذمه‌سیگه آلگن

اونینگ قۉشیمچه قیلیشیچه، تینچلیک ایشلری وزیرلیگی، تینچلیک جریانیده تورلی قتلملرنینگ اشتراکینی آسانلشتیره‌دی و خلق آوازینی مذاکره میزیگه اوزه‌ته‌دی. اونینگ سۉزلریگه کۉره، وزیرلیک افغانستانده‌ تینچلیک اۉرنتیش و تینچلیکنی مستحکملشده حل قیلووچی رۉل اۉینه‌یدی.  

افغانستان تینچلیک جریانیگه تأثیر کۉرسته‌دیگن ایچکی و منطقوي عامللر حقیده سۉزلب، جناب خنجانی وزیرلیک‌نینگ اساسي رۉلینی حسابگه آلگن حالده، تینچلیک ساحه‌سیده یخشی امکانیتلرگه اېگه بۉلگن خلق‌ارا انستیتوتلر بیلن همکارلیکنی رواجلنتیریش، تینچلیک وزیرلیگی‌نینگ استوار وظیفه‌لریدن بیری اېکنلیگینی تأکیدلدی.

اروپا تینچلیک انستیتوتی‌نینگ اجراچی رئیسی مایکل کیتنگ اوچره‌شوو دوامیده، اوشبو تشکیلات تینچلیک بۉییچه دولت وزیرلیگی بیلن تورلی درجه‌لرده تکنیک یاردمنی کېنگه‌‌یتیریشینی اَیتدی.

اروپا تینچلیک انستیتوتی‌نینگ همکارلیکنی کېنگه‌یتیریشگه صادقلیگینی بیلدیرر اېکن، او تینچلیک جریانی اوچون جهانی مصلحت، بیلیم و تجربه ضرورلیگینی و انستیتوت کېره‌کلی ترینینگ و تمیرینلرده همکارلیک قیلیشینی اَیتدی.

داوطلبۍ

Thu, Feb 25 2021 1:42 PM
Background image

صلح بوییچه دولت وزراتی نینگ عیاللرگه زوره وانلیک آلدینی آلیش کمیته اعضاسی تانیشتیریلدیلر

صلح بوییچه دولت وزیری سید سعادت منصور نادری، او وزرات نینگ مدنی جامعه و بشر حقلری بوییچه معینی دوکتور عالمه، اداری و حمایوی معینی غلام یحیی عباسی، ارشد مشاورلر، بو وزرات نینک رییسلر و. . .

Tue, Feb 23 2021 3:37 PM
Background image

عیاللر نینگ معنادار حضوری بولمه گنده صلح تامین بولمه یدی


افغانستان صلح دیالوگ انلاین اولتیریشده صلح بوییچه دولت وزراتی مدنی جامعه و بشر حقلری بوییچه ایشلری معینی دوکتور عالمه حضوری بیلن اولتیریشده صلح روندی ده عیاللر سهمی نی تاکید قیلیب. . .

Tue, Feb 23 2021 1:51 PM
Background image

صلح ایشلری بوییچه دولت وزراتی تمانیدن ییتکرمه لرگه صلح نی اورگه تیش برنامه سی نینگ آچیلیشی

ییتکرمه لرگه صلح نی اورگه تیش برنامه سی صلح ایشلری بوییچه دولت وزیری سید سعادت منصور نادری، او وزرات نینگ پالیسی هماهنگی و استراتیژی معینی عبدالله خنجانی، مذاکره قیلووچی هیئت عضوی محمد. . .

BACK TO NEWS