د کرنې، اوبو لګولو او مالدارۍ په وزارت کې د سولې جوړونې او عامه پوهاوي برنامه د ولسمشر غني د وینا پر بنسټ ترسره شوه

a.zia
چهارشنبه ۱۴۰۰/۵/۶ - ۸:۴۱
Smp

په کابل پوهنتون کې د سولې جوړونې او عامه پوهاوي برنامه، چې د ولسمشر غني د وينا پر بنسټ جوړه شوې وه،د سولې په چارو کې د دولت وزارت په نوښت او د ښې حکومتدارۍ مطالعاتو انسټیټیوټ په همکارۍ، د سولې په چارو کې د دولت وزارت سترسلاکار پرستو ياري، د کرنې، اوبو لګولو او مالدارۍ وزارت د پلان، هماهنګۍ برنامو رئيس شکيب شريفي او ددې وزارت د کارمندانو په شتون کې د کرنې، اوبو لګولو او مالدارۍ وزارت د برنامو په تالار کې ترسره شو.
د سولې په چارو کې د دولت وزارت ستر سلاکار پرستو ياري په دې برنامه کې وويل: که څه هم د سولې پروسې په اړه خوشبیني کمه شوې، مګر د افغانستان خلک، بايد د سولې په پروسه باور وکړي: ځکه چې د سولې ترلاسه کولو لپاره طلایي فرصت موجود دی.
هغه وویل، چې د سولې په چارو کې د دولت وزارت د دولت او ملت ترمنځ د ارتباط په توګه ، د خلکو غوښتنې ، نظرونه او غږونه د ملي مصالحې عالي شورا او مذاکراتي ټیم ته رسوي او دا وزارت د مختلفو اقشارو څخه د مشورتي ډلو په جوړولو سره خلکو سره په دوامداره توګه په اړيکه کې دی.
هغه وویل چې د افغانستان خلک د سولې په راوستو کې متحد دي: ځکه چې هرڅوک د جګړې په پای ته رسولو او د سولې خبرو نتيجې  رسولو باندې ټینګار کوي.
هغې د مذاکرې میز د افغانانو هیلو، نظرونو او سولې هدف ته د رسیدو یوازینۍ لار ياده کړه.
د کرنې ، اوبو لګولو او مالدارۍ وزارت د پلان، هماهنګۍ او برنامو عمومي رئیس شکیب شریفي د سولې موضوع پر اهمیت ټینګار وکړ او ویې ویل که څه هم د مذاکراتو مقابل اړخ غوښتنې یو اړخیزې دي او دوی خپلې ډیری ژمنې ندي پوره کړي ، خو د سولې لپاره د حکومت لیدلوری د اوربند اعلان، هر اړخیز مذاکرات او د افغانانو د لاسته راوړنو ساتنه ده.
هغه ټینګار وکړ، چې د خبرو اترو او سولې ته د رسېدو فرصت رامنځته شوی او په جګړه کې د ښکېلو خواوو څخه د افغانستان خلکو تمه داده، چې  د سولې رامنځته شوي فرصت څخه ګټه پورته کړي.
د امنیتي ، دفاعي ، ملکي او زندانیانو چارو د همغږۍ رئيس ډاکټر فضل الله فایز ددې رياست د فعالیتونو او ددې برنامې د ترسره کولو هدف په اړه معلومات وړاندې کړل.
د سولې برخې ښوونکي عبدالناصر فولاد د سولې مفاهيمو، شخړې، تاوتريخوالي او کرنې، مالدارۍ او اوبو لګولو وزارت د سولې جوړونې په برخه کې پرزنټيشن وړاندې کړ.
د یادونې وړ ده چې دا برنامه له دې وړاندې د سرحدونو او قبایلو چارو او د کار او ټولنیزو چارو وزارتونو د سولې په چارو کې د دولت وزارت په نوښت او د ښې حکومتولۍ مطالعاتو انسټیټیوټ په همکارۍ ترسره شوې وو.

تازه خبرونه

چهارشنبه ۱۴۰۰/۶/۱۷ - ۷:۹
Background image

د افغانستان ګڼو قومي مشرانو، پوهنتون استادانو او صنعت کارانو په يوه لويه غونډه کې د ا.ا.ا خپل بشپړ ملاتړ او بيعت اعلان کړ.

دغه غونډه د قرانکريم په مبارکو اياتونو پيل شوه، ورپسې د سولې او امن کاروان د عامه نظم مسؤل او جهادي شخصيت قومندان ارسلا خان خروټي ټولو راغلو ميلمنو ته د ښه راغلاست ترڅنګ د ا.ا.ا په. . .

یکشنبه ۱۴۰۰/۶/۱۴ - ۷:۰
Background image

د هېواد تجارانو، د بېلابېلو ولايتونو قومي مشرانو او ځوانانو د افغانستان اسلامي امارت څخه خپل ملاتړ اعلان کړ!


د افغانستان اسلام امارت د امن کاروان مشر او جهادي شخصيت الحاج خليل الرحمن حقاني, د امن کاروان د عامه نظم مسؤل قومندان حاجي ارسلاخان خروټي، جهادي او علمي شخصيتونو قاري محمود شاه, مفتي. . .

یکشنبه ۱۴۰۰/۶/۱۴ - ۶:۵۴
Background image

د امن کاروان مشر د اسلامي حزب او اسلامي جمعيت له قومندانانو سره وکتل!

 

د ا.ا.ا د امن کاروان مشر او جهادي شخصيت الحاج خليل الرحمن حقاني او ددی کاروان رهبرۍ شورا غړو د اسلامي حزب او اسلامي جمعيت له قومندانانو سره وکتل.
په دغه کتنه کې د هېواد په سترې. . .

خبرونه