د هېواد تجارانو، د بېلابېلو ولايتونو قومي مشرانو او ځوانانو د افغانستان اسلامي امارت څخه خپل ملاتړ اعلان کړ!

a.zia
یکشنبه ۱۴۰۰/۶/۱۴ - ۷:۰
Smp


د افغانستان اسلام امارت د امن کاروان مشر او جهادي شخصيت الحاج خليل الرحمن حقاني, د امن کاروان د عامه نظم مسؤل قومندان حاجي ارسلاخان خروټي، جهادي او علمي شخصيتونو قاري محمود شاه, مفتي محمود ذاکري، حاجي حيات الله، مولوي محمد مسلم حقاني، قاري عبدالمتين رحيمزي او د دې کاروان يو شمير غړو د هېواد له ګڼو تجارانو، قومي مشرانو او ځوانانو سره د سولې په چارو کې د امارت وزارت د غونډو په تالار کې ناسته وکړه.
په پيل کې د امن کاروان د عامه نظم مسؤل ټولو ګډونوالو ته ښه راغلاست ووايه او زياته کړه, چې اوس په ټول هېواد کې سرتاسري امن دی او د هيچا سر او مال په خطر کې نه دي.
هغه وويل: موږ له هيچا سره شخصي دښمني نه لرو او خپل ټول پخواني دښمنان مو بښلي دي.
ورپسي حاجي ګل مراد عرب د تجارانو په استازولۍ او د ا.ا.ا څخه خپل بشپړ ملاتړ اعلان کړ او دوی په راتګ يې خوښي څرګنده کړه.
هغه د تجارانو ستونزې له مسؤلينو سره شريک کړی او د ژر حل کېدو غوښتنه يې وکړه.
د امن کاروان د رهبرۍ شورا غړي مولوي محمد مسلم حقاني په خپلو خبرو کې وويل, د اسلامي امارت چټکو فتوحاتو په ډاګه کړه, چې ولس د تېر حکومت له ظلم او فساد څخه په تنګ راغلی وو; نو ځکه يې له اسلامي امارت سره مرسته وکړه.
هغه تجارانو ته د پوره امن ډاډ ورکړ او ژمنه يې وکړئ, چې په ټولو برخو کې به ورته لازمې اسانتياوې رامنځته کړي.
جهادي او علمي شخصيت مفتي محمود ذاکري وويل: 43 کاله وشول چې وطن مو له ستونزو سره مخامخ وو, د لوي الله (ج) او د ولس په مرسته به دغو ستونزو ته د پای ټکی ږدو او د يو عادل نظام د لرلو لپاره به هلې ځلې کوو.
جهادي شخصيت قاري عبدالمتين رحيمزی د اسلامي امارت د مجاهدينو د قربانيو يادونه وکړه او يې وويل: چې د دغو قربانيو قدر به کوو او په ګډه به د هېواد د ابادۍ لپاره کار کوو.
هغه زياته کړه, چې اشغال پاي ته رسېدلی او ډېر ژر به يو پياوړی اسلامي حکومت رامنځته شي.
دغې غونډې ته د بېلابيلو ولايتونو جهادي او قومي مشرانو او ځوانانو هم ويناوې وکړې او ټولو ګډونوالو د افغانستان اسلامي امارت څخه خپل بشپړ ملاټړ اعلان کړ.
د دغې ناستې په پای کې جهادي شخصيت او د امن کاروان مشر الحاج خليل الرحمن حقاني ټولو ګډونوالو ته هرکلی ووايه او ويې ويل، چې د تېر حکومت ظلم, فساد او بې عدالتي پاي ته ورسېده او ټول ولس په امن کې ژوند کوي.
نوموړي وويل: هېڅوک دې بهر ته د تللو هڅه نه کوي او دلته به ورته د ژوند ټولې اسانتياوې برابري شي.
هغه زياته کړه, چې هر څه به د قران او حديث په رڼا کې ترسره کېږي او ډېر ژر به يو پياوړی اسلامي حکومت رامنځته او خلکو ته به خدمات غرضه شي.
هغه د تجارانو غوښتونو په ځواب کې وويل, تجارانو ته د اسنتياوو رامنځته کول د نوي اسلامي حکومت د لومړيتوبونوڅخه دي او د دوی ستونزې به له اړوند مسؤلينو سره تعقيب کړي.
دغه غونډه د شيخ عبدالرحمن په دعا پای ته ورسېده.

تازه خبرونه

چهارشنبه ۱۴۰۰/۶/۱۷ - ۷:۹
Background image

د افغانستان ګڼو قومي مشرانو، پوهنتون استادانو او صنعت کارانو په يوه لويه غونډه کې د ا.ا.ا خپل بشپړ ملاتړ او بيعت اعلان کړ.

دغه غونډه د قرانکريم په مبارکو اياتونو پيل شوه، ورپسې د سولې او امن کاروان د عامه نظم مسؤل او جهادي شخصيت قومندان ارسلا خان خروټي ټولو راغلو ميلمنو ته د ښه راغلاست ترڅنګ د ا.ا.ا په. . .

یکشنبه ۱۴۰۰/۶/۱۴ - ۷:۰
Background image

د هېواد تجارانو، د بېلابېلو ولايتونو قومي مشرانو او ځوانانو د افغانستان اسلامي امارت څخه خپل ملاتړ اعلان کړ!


د افغانستان اسلام امارت د امن کاروان مشر او جهادي شخصيت الحاج خليل الرحمن حقاني, د امن کاروان د عامه نظم مسؤل قومندان حاجي ارسلاخان خروټي، جهادي او علمي شخصيتونو قاري محمود شاه, مفتي. . .

یکشنبه ۱۴۰۰/۶/۱۴ - ۶:۵۴
Background image

د امن کاروان مشر د اسلامي حزب او اسلامي جمعيت له قومندانانو سره وکتل!

 

د ا.ا.ا د امن کاروان مشر او جهادي شخصيت الحاج خليل الرحمن حقاني او ددی کاروان رهبرۍ شورا غړو د اسلامي حزب او اسلامي جمعيت له قومندانانو سره وکتل.
په دغه کتنه کې د هېواد په سترې. . .

خبرونه