د مشورتي لویې جرګې د اداري پلاوي له غړو او د کمېټو له رئیسانو سره د سولې په چارو کې د دولت وزارت مشورتي ناسته

a.zia
پنجشنبه ۱۳۹۹/۴/۵ - ۱۳:۵
SMP

د جمهور رئیس ځانګړي استازي او د سولې په چارو کې د دولت وزیر عبدالسلام رحیمي او د سولې په چارو کې د دولت وزارت د قومونو د انسجام چارو مرستیال عبدالخالق بالاکرزي د مشورتي لویې جرګې د اداري پلاوي له یو شمېر غړو او د کاري کمېټو له مشرانو سره د سولې په بهیر کې د هغوی د نظرونو او وړاندیزونو ترلاسه کولو لپاره وکتل. 
په دغه مشورتي ناسته کې ګډونوالو د سولې بهیر په اړه خپلې اندېښنې، پوښتنې او وړاندیزونه د سولې په چارو کې د دولت وزارت له مشرتابه سره شریک کړل.
د ناستې غړو د سولې د مشورتي لویې جرګې د اهمیت او د دغې جرګې د غړو په انتخابي‌والي په ټینګار سره وویل چې دوی د ټولنې د بېلابېلو پاړکو د خلکو رښتیني استازي دي او له همدې امله د سولې په بهیر کې د دغه جوړښت د لاډېر مشارکت غوښتونکي شول. هغوی همدا راز له دې امله چې حکومت د مشورتي لویې جرګې د ۲۳ماده‌یي پرېکړه‌لیک د پلي کېدو اقدام کړی دی مننه وکړه. 
د ناستې ګډونوالو زیاته کړه چې د افغانانو په مالکیت د سولې بهیر ملاتړي دي او خپلې مشورې او نظرونه به له مسؤولانو سره شریک کړي. هغوی همدا راز وغوښتل چې حکومت دې د لا ډېرې همغږۍ او د اړیکو د تداوم زمینه برابره کړي. 
د جمهور رئیس ځانګړي استازي او د سولې په چارو کې د دولت وزیر عبدالسلام رحیمي په دغه ناسته کې د سولې د مشورتي لویې جرګې د اداري پلاوي له غړو او د کاري کمېټو د مشرانو د ګډون مننه وکړه او د ګډونوالو پوښتنو او اندېښنو ته یې ځوابونه وویل. 
ښاغلي رحیمي د سولې بهیر په مخته وړلو کې د سولې د مشورتي لویې جرګې اهمیت ته په اشارې سره وویل چې د سولې مشورتي لویه جرګه د هېواد په هر ګوټ کې له خلکو سره د اغېزناک ارتباط وسیله ده او له همدې امله کولی شي د سولې په بهیر کې د خلکو نظرونه شامل کړي. 
ښاغلي رحیمي همدا راز ټینګار وکړ چې د سولې مشورتي لویه جرګه د سولې په بهیر کې د عطف ټکی و او د دغه بهیر تر پایه به مراجعه ورته کېږي. 
دغه مشورتي ناسته له بېلابېلو پاړکو سره د سولې په چارو کې د دولت وزارت د مشورتي ناستو په لړ کې ترسره شوه.

تازه خبرونه

چهارشنبه ۱۳۹۹/۴/۱۸ - ۱۳:۵۳
Background image

د بیان آزادۍ له فعالانو او د رسنیو له استازو سره د سولې په چارو کې د دولت وزارت مشورتي ناسته

د سولې په چارو کې د دولت وزارت د ستراتيژيکو اړیکو عمومي ریاست د یو شمېر کورنیو رسنیزو بنسټونو له مسؤولانو، د سولې برخې خبریالانو او له مرکز او ولایتونو څخه راغلو سینماګرانو سره د سولې. . .

چهارشنبه ۱۳۹۹/۴/۱۸ - ۱۲:۱۱
Background image

د سولې بهیر په اړه د پارلمان د غړو د نظرونو شریکولو لپاره په پارلماني چارو کې د دولت وزارت همکاري

د سولې په چارو کې د دولت وزارت د امنیتي، دفاعي، ملکي او زندانونو چارو د همغږۍ رئیس ډاکتر میرویس څرګند کوچي په پارلماني چارو کې د دولت له وزیر ضیاءالحق امرخېل سره وکتل. 
په دغه لیدنه کې. . .

سه‌شنبه ۱۳۹۹/۴/۱۷ - ۲۰:۱۰
Background image

له ځوانانو سره د مذاکره‌کوونکي ټیم مشورتي ناسته

د ځوانانو یو شمېر استازو د افغانستان اسلامي جمهوریت د مذاکره‌کوونکي ټیم له غړو، حبیبې سرابي، شریفې زرمتۍ وردګ او جنرال ایوب انصاري سره وکتل. 
په سر کې د مذاکراتي ټیم غړې حبیبې سرابي د. . .

خبرونه