د سولې په چارو کې د دولت وزیر د تاتار قوم له متنفيذينو سره کتنه
د سولې په چارو کې د دولت وزیر سید سعادت منصور نادري د تاتار قوم له متنفذينو سره وکتل.
په دغه کتنه کې د سولې خبرو او په هیواد کې روان تاوتریخوالي په اړه معلومات او نظریات تبادله شول.
د تاتار قوم متنفذينو سولې لپاره د حکومت, په ځانګړي توګه د سولې په چارو کې د دولت وزارت او د افغانستان اسلامي جمهوریت د مذاکراتي پلاوي د هڅو قدرداني وکړه او څرګنده یې کړه, چې د تاتار قوم به په هېواد کې د تلپاتې او باعزتې سولې رامنځته کولو هڅو کې د نظام او جمهوریت تر څنګ ودریږي.
د سولې په چارو کې د دولت وزير وويل,سره له دې چې په هیواد کې د تاوتریخوالي کچه خورا لوړه ده, مګر سولې ته د رسېدو لپاره هڅې په کلکه دوام لري او امید لري, چې د هیواد کړکیچ به د سیاسي حل له لارې حل شي.
