د سولې په چارو کې د دولت وزیر د اروپا د سولې انسټیټوټ له اجرايیوي رئیس سره په آنلاین ناسته کې خبرې وکړې
د سولې په چارو کی د دولت وزیر سید سعادت منصور نادري او د اروپا د سولې انسټیټوټ اجرايیوي رئیس مایکل کټینګ په یوه آنلاین ناسته کې د سولې په پروسه کې د وروستو پرمختګونو په اړه خبرې وکړې.
دواړو لورو د دوه اړخیزو اړیکو موجوديت ته په اشارې سره، له افغانستان څخه د نړیوالو ځواکونو له وتلو او د نوي وضعیت له رامینځته کیدو وروسته, په راتلونکي کې د همکارۍ ژمنه وکړه.
