د جنېوا کنفرانس په څنډه کې د سولې، پراختیا او امنیت د اړیکې په اړه آنلاین بحث جوړ شو

a.zia
سه‌شنبه ۱۳۹۹/۹/۴ - ۱۴:۲۵
SMP

د سولې، پراختیا او امنیت ترمنځ د اړیکې تر سرلیک لاندې آنلاین بحث جوړ شو، چې پکې د سولې په چارو کې د دولت وزیر او د افغانستان اسلامي جمهوریت د مذاکره‌کوونکي پلاوي غړي سید سعادت منصور نادري، د ملي امنیت سلاکار ډاکتر حمدالله محب، د افغانستان لپاره د ملګرو ملتونو ځانګړې استازې دېبوره لیونز او د ملګرو ملتونو، نړیوال بانک، د آقاخان بنسټ د پراختیايي شبکې او ناټو سازمان د استازو په ګډون د نورو سازمانانو استازو ګډون کړی و.
د سولې په چارو کې د دولت وزیر د دغه بحث په راټولوونه کې د شوو بحثونو پایلې ګټورې وبللې او ویې ویل د سولې په چارو کې د دولت وزارت د دا ډول بحثونو د کېدو هرکلی کوي او وزارت به هڅه وکړي په دغو بحثونو کې وړاندې شوي نظرونه او وړاندیزونه عملي کړي.
ښاغلي نادري وویل چې د نن ورځې د بحثونو مهم ټکي ښيي چې اړتیا ده د امنیت، پراختیا او سولې په اړه متعادل لید ولرو. نوموړي د خپلو خبر پر دوام وویل چې موږ باید د پراختیا او سولې‌جوړونې په برخو کې پر نوښتونو تمرکز وکړو او د سیمه‌ییزو شخړو حل، د بشري حقونو بنسټيز کول او د ملکي وګړو پر وړاندې د اوږدمهاله تاوتریخوالي راټیټول په خپلو لومړیتوبونو کې ځای کړو. همدا راز په ځانګړې توګه د ځوانانو لپاره د ښوونې او روزنې او اقتصادي فرصتونو په برخه کې محسوس پرمختګونه ولرو.
د سولې په چارو کې د دولت وزیر زیاته کړه چې د افغانستان امنیتي او دفاعي ځواکونه د نړیوالې ترهګرۍ پر ضد په جګړه کې چې د ټولو ګډه جګړه ده ملاتړ ته اړتیا لري او موږ په دې برخه کې د وروستیو دوو لسیزو په لاسته‌راوړنو ویاړو.
نوموړي همدا راز د جنېنوا کنفرانس د ترسراوي په اړه وویل چې دا کنفرانس نه‌یوازې له مالي اړخه د افغانستان ملاتړ کوي، بلکې له سیاسي او رواني اړخه هم د افغانستان خلکو ته دا پیغام رسوي چې نړیوالې ټولنې دوی نه دي هېر کړي.

تازه خبرونه

سه‌شنبه ۱۳۹۹/۱۲/۱۲ - ۱۵:۱۸
Background image

د سولې په چارو کې د دولت وزیر د چین له سفیر سره وکتل

د سولې په چارو کې د دولت وزیر سید سعادت منصور نادري په کابل کې د چین له سفیر وانګ یو سره وکتل.

په دې لیدنه کې دواړو لورو د افغانستان د سولې مذاکراتو پر بدلونونو او د سولې په بهیر کې د. . .

سه‌شنبه ۱۳۹۹/۱۲/۱۲ - ۸:۸
Background image

د سولې په چارو کې د دولت وزیر په کابل کې د هند له سفیر سره وکتل

د سولې په چارو کې د دولت وزیر سید سعادت منصور نادري په کابل کې د هند جمهوریت له سفیر رودرندرا تاندون سره وکتل.
په دې لیدنه کې په دوحه کې د افغانستان د سولې مذاکراتو پر بهیر، د سولې بهیر. . .

یکشنبه ۱۳۹۹/۱۲/۱۰ - ۹:۵۷
Background image

د سولې په چارو کې د دولت وزیر په کابل کې د روسیې له سفیر سره وکتل

 

د سولې په چارو کې د دولت وزیر او د افغانستان اسلامي جمهوریت د مذاکره‌کوونکي پلاوي غړي سید سعادت منصور نادري په کابل کې د روسیې د فدراتیف جمهوریت له سفیر ښاغلي دمیتري ژیرنوف سره وکتل.. . .

خبرونه