د بشري حقونو او مدني ټولنې د چارو مرستیالې د اروپا د سولې انستېتیوت له مسؤولینو سره ناسته وکړه

a.zia
پنجشنبه ۱۳۹۹/۷/۲۴ - ۱۸:۱۹
smp

د سولې په چارو کې د دولت وزارت د بشري حقونو او مدني ټولنې د بنسټونو د چارو مرستیالې ډاکتر عالمې د اروپا د سولې انستېتیوت له مسؤولانو حوریې مصدق، پاتریک ډي ویریس، پاول سیلس، کلایر ډولینګ او ایوان شلیف سره په آنلاین ناسته کې د سولې په چارو کې د دولت له وزارت سره د دغه انستېتیوت د همکارۍ په اړه بحث وکړ.

ډاکتر عالمې د دغې ناستې په پیل کې د وزارت له لوري له بېلابېلو پاړکو سره د افغانستان اسلامي جمهوریت د مذاکره‌کوونکي پلاوي د مشورتي ناستو په اړه خبرې وکړې.

دې وویل چې د سولې په چارو کې د دولت وزارت د بشري حقونو او مدني ټولنې معاونیت د جنډر د مسایلو، د ښځو د حقونو او تاوتریخوالي کمولو پر اړوندو پروګرامونو تمرکز کوي.

بل پلو حوریې مصدق وویل چې د اروپا د سولې انستېتیوت په افغانستان کې د سولې، پخلاینې او عدالت په اړه څېړنې کړې دي چې پایلې به یې تر یوې میاشتې پورې ترتیب شي. دې زیاته کړه چې دغه انستېتیوت به د خپلو څېړنو پایلې د سولې په چارو کې د دولت له وزارت سره شریکې کړي.

په دې ناسته کې د سولې تر هوکړې وروسته د افغانستان د وضعیت پر جاج هم بحث وشو.

تازه خبرونه

سه‌شنبه ۱۳۹۹/۸/۶ - ۱۵:۱۶
Background image

د سولې په چارو کې د دولت وزیر د جاپان له سفیر سره وکتل

د سولې په چارو کې د دولت وزیر سید سعادت منصور نادري په کابل کې د جاپان له سفیر میتسوجي سوزوکا سره وکتل.
په دې لیدنه کې ښاغلي نادري په تېرو کلونو کې د افغانانو لپاره د جاپان د خدمتونو او. . .

سه‌شنبه ۱۳۹۹/۸/۶ - ۱۴:۳۷
Background image

د سولې په چارو کې د دولت وزیر د فنلنډ د بهرنیو چارو له وزیر سره وکتل

د سولې په چارو کې د دولت وزیر سید سعادت منصور نادري او د ملي مصالحې عالي شورا د رئیس ډاکتر عبدالله عبدالله ستر سلاکار مصطفی مستور د فنلنډ د بهرنیو چارو له وزیر پکا اولاوي هاویسټو سره. . .

دوشنبه ۱۳۹۹/۸/۵ - ۱۸:۱۳
Background image

د ناروې له سفیر سره د سولې په چارو کې د دولت د وزیر لیدنه

د سولې په چارو کې د دولت وزیر سید سعادت منصور نادري په کابل کې د ناروې له سفیر اولي انډرس لېنډمن سره ولیدل. ښاغلي نادري په دغه نساته کې د سولې په روانو مذاکراتو کې د ناروې هېواد له. . .

خبرونه