د سولې په چارو کې د دولت وزارت د سولې په چارو کې ښځو او مدني ټولنې ته د پوره ونډې ورکولو ته ژمن دی

a.zia
Mon, Jun 29 2020 4:20 AM
smp

د سولې په چارو کې د دولت وزارت د سیاسي جوړښتونو او مدني ټولنې د بنسټونو رئیسې لیلا جعفري په یوه وېډیويي کنفرانس کې چې «د سولې په خبرو اترو کې د ښځو او مدني ټولنې د ځای» په اړه جوړ شوی و وویل، د سولې په چارو کې د دولت وزارت د سولې په چارو کې ښځو او مدني ټولنې ته پوره ونډه ورکوي.

نوموړې د دې مطلب په بیان سره چې د سولې په بهیر کې د ښځو او مدني ټولنې رول اهمیت لري وویل، د سولې په چارو کې د دولت وزارت تل هڅه کړې چې ښځې او د مدني ټولنې بنسټونه په ټولو پړاوونو کې له مذاکراتو وړاندې، د مذاکراتو په جریان کې او له مذاکراتو وروسته فعاله ونډه ولري.

نوموړې همدا راز وویل د سولې په چارو کې د دولت وزارت په یو شمېر مهمو پوستونو ښځې کار کوي او یو شمېر نورې ښځې په هغو تخنیکي ټیمونو کې چې له مذاکره‌کوونکي ټیم سره همکار دي حضور لري.

مېرمن جعفري همدا راز وویل چې د سولې په چارو کې د دولت وزارت «د سولې په پالیسي جوړونه کې د ښځو واحد غږ مشورتي بورډ» او «د سولې لپاره د مدني ټولنې د بنسټونو مشورتي او د همغږۍ بورډ» هم د ښځو او مدني ټولنې د بنسټونو د نظرونو او وړاندیزونو ترلاسه کولو لپاره د لا ډېرې همغږۍ او انسجام په موخه جوړ کړي دي.

 په دغه ناسته کې د مدني ټولنې د بنسټونو مسؤولانو او د ښځو د حقونو فعالانو د سولې د خبرو اترو په اړه خپل نظرونه او وړاندیزونه وړاندې کړل او د سولې په بهیر کې یې د ښځو او مدني بنسټونو پر ونډې ټینګار وکړ.

د افغان ښځو شبکې رئیسې ماري اکرمي وویل اړتیا ده د سولې په بهیر کې د ښځو د سیاسي ونډې لپاره واحد، روښانه او ځواب ویونکی مېکانېزم جوړ شي تر څو ښځې د سولې په ټولو پړاوونو کې شریکې شي.

د کلید ګروپ رئيسې نجیبې ایوبي په دغه ناسته کې وویل چې ښځې او نرینه دې په ګډه متوجه وي چې یو لړ تضمینونه ترلاسه کړي ترڅو هغه څه چې هوکړه پرې کېږي پلي شي او د ښځو رول او حق رعایت شي. نوموړې همدا راز ټینګار وکړ چې ښځې باید په یو غږ او منسجمه توګه له خپل حق څخه دفاع وکړي او واقعیتونه هم په پام کې ونیسي.

له بلې خوا د افغانستان د روڼتیا څار سازمان اجرائیه مشر اکرام افضلي وویل تلپاتې سوله د قانون له حاکمیت پرته نه‌شي راتلی؛ له همدې امله اړتیا ده چې عدالت ټینګ شي، ځکه عدالت د سولې بنسټ جوړوي. نوموړي د عدلي او قضايي بنسټونو خپلواکۍ ساتلو ته په اشارې سره وویل چې په عمل کې باید وښودل شي دواړه لوري د ولسواکۍ ارزښتونو ته ژمن دي او مدني بنسټونه به د دغو ارزښتونه دفاع کوي.

په دغه ناسته کې د سولې په چارو کې د دولت وزارت، ښځو او مدني ټولنې استازو د هغو هېوادوالو پوښتنو ته هم ځوابونه وویل چې غونډه یې په آنلاین ډول یې دغه ناسته تعقیبوله.

د «سولې په خبرو اترو کې د ښځو او مدني ټولنې ځای» آنلاین غونډه د افغانستان د ولسواکۍ او پراختیا مؤسسې په نوښت د مدني ټولنې او ښځو د لسو استازو او د سولې په چارو کې د دولت وزارت د سیاسي جوړښتونو او مدني ټولنې د بنسټونو رئیسې په ګډون جوړه شوې وه.

News

Thu, Dec 03 2020 12:22 PM
Background image

Meeting of the State Ministry for Peace with Media Analysts and Experts

Sayed Sadat Mansoor Naderi, the State Minister for Peace and Member of the Negotiating Team of the Islamic Republic of Afghanistan met with a number of leading media analysts and. . .

Wed, Dec 02 2020 2:15 PM
Background image

The First Meeting of "Peace Literature" by the State Ministry for Peace

The first meeting of the Peace Literature Series was held by the State Ministry for Peace with the participation of officials from the ministry and a number of poets and writers.
Mr.. . .

Tue, Nov 24 2020 2:25 PM
Background image

Online Discussion on Relationship Between Peace, Development, and Security was Held on the Sideline of Geneva Conference

An online discussion on the relationship between peace, development, and security was held with the participation of Sayed Sadat Mansoor Naderi, State Minister for Peace and member of. . .

BACK TO NEWS