د ډاکتر ناکامورا خدمتونه نه هېرېدونکي دي
د سولې په چارو کې د دولت وزارت ستر سلاکار ډاکتر میرویس څرګند په کابل کې د جاپان له سفیر میڅو جي سوزوکا سره وکتل.
لومړی ښاغلي څرګند د ډاکتر تیڅو ناکامورا د مړینې له امله د خپل تأسف او ماتم مراتب څرګند کړل او ویې ویل چې ډاکتر ناکامورا د افغانستان د خلکو په زړونو کې دی؛ هېڅکله به یې شخصیت او د افغانستان خلکو ته کړي خدمتونه هېر نهشي.
په دې لیدنه کې د جاپان سفیر د افغانستان او جاپان د دوستۍ مخینې ته په اشارې سره د دواړو هېوادونو تر منځ اړیکه نهپرې کېدونکې وبلله او ټینګار یې وکړ چې د جاپان ملت او دولت د افغانستان د ملت او دولت تر څنګ ولاړ دی. ده زیاته کړه: جاپان چې څومره توان لري، په افغانستان کې به یې د سولې او ملي پخلاینې د ټينګښت لپاره ونهسپموي.
