د سولې ادبیاتو دوهمه ناسته په هرات کې جوړه شوه

a.zia
Sat, Jul 17 2021 7:19 AM
smp

د سولې ادبیاتو دوهمه ناسته د پنجشنبې په ماښام د هرات ولایت د قلعه اختیارالدین کلا په سیمه کې د سولې په چارو کې د دولت وزارت چارواکو ، په ولسي جرګه د هرات ولايت استازو ، د پوهنتون استادانو ، ښوونکو او مدني فعالانو په شتون کې جوړه شوه.
لومړی، د سولې په چارو کې د دولت وزارت  عامه پوهاوي رییس سید ضیا دانش ، د غونډې برخوالو ته ښه راغلاست وایه او ويي ویل، د ټولنو احساساتو راپارولو او په پایله کې یې تاوتریخوالي کمولو او شخړو د حل په برخه کې د ادب رول روښانه او برجسته دی. هغه وويل ، افغاني ادبيات او هنر له دې قاعدې څخه مستثنی نه دي.
د سولې په چارو کې د دولت وزارت د عامه پوهاوي رئیس دا هم وویل چې تصوفي او عرفاني ادبیات د داخلي سولې په ترلاسه کولو او له نورو سره سوله ائیزې ژوند کولو کې بې ساري رول لري او د سولې په چارو کې د دولت وزارت تصميم لري، چې د سولې جوړونې ، سوله اییز ژوند او ټولنیزې سولې په برخه کې د لیکوالانو، اديبانو مشرانو په همکارۍ، د ادب او هنر د نقش او رول څخه ګټه پورته کړي.
ښاغلي دانش د سولې په پروسه کې د ښځو د پام وړ ګډون د تلپاتې سولې یو له مهمو عواملو څخه وباله او د ټولنیزې سولې، د سولې فرهنګ ته ودې ورکولو ، له جګړې وروسته اقتصاد په رغولواو د ټولنیز تاوتریخوالي ختمولو په برخه کې د دوې رول ګټور وباله.
ډاکټر محمد داوود منیر د پوهنتون استاد او د هرات ادبي ټولنې رئیس د دې غونډې د جوړیدو ستاینه وکړه او دا د تصوف علم د انسانانو د پېژندنې يوه وسيله وبلله او زیاته یې کړه: د تصوف مکتب نه یوازې داخلي سوله رامینځته کوي ، بلکې د بهرني سولې تضمین هم کوي. د تصوف او عرفان له نظره ، د انسانانو تر منځ هیڅ توپیر شتون نلري؛ یواځی د انسانیت او تقوی بحث مطرح دی. له همدې امله د عرفان مکتب پخلاینې او خواخوږۍ لاره ګڼل کیږي.
په دغه جريان کې د هرات ولايت يو ليکوال او شاعر ښاغلي محمد پیمان ، وویل: تصوف په دننه کې نارام، ارام کوي. انسان لومړی له ځان سره په شخړه کې دی ، ترڅو چې خپله ځان ارامه نه کړي؛ هیڅکله نشي کولی ټولنه اصلاح کړي.
هغه دطالبانو اوسنۍ جګړه ناحقه وبلله او د هغې دليل يې د انساني خواهشات وبلل،او ویې ویل چې عرفان د دغو غوښتنو سره مبارزه کوي.
د دې غونډې په جريان کې، یو شمیر شاعرانو د سولې په اړه شعرونه وویل او د سولې په جوړونه کې د ادب د رول په اړه خبرې وکړې.

Latest news

Sat, Jul 24 2021 9:25 AM
Background image

The Fifth Training Programs Titled “Peace Building and Conflict Resolution” has begun 

The fifth round of the Peace and Conflict Resolution series was launched by the Department of Public Awareness of the State Ministry for Peace with the participation of participants. . .

Sat, Jul 17 2021 12:01 PM
Background image

The National Youth Conference for Peace was held

National Youth Conference for Peace as a result of youth peace talks and seminars in the provinces, organized by the Afghan Media Agency in cooperation with the Ministry of Peace and. . .

Thu, Jul 15 2021 1:54 PM
Background image

The State Minister for Peace Meets with Ambassador of Japan

Sayed Sadat Mansoor Naderi the State Minister for Peace, met with Japanese ambassador to Kabul Mr. Takashi Okada
The meeting focused on peace-related developments, Afghanistan’s peace. . .

BACK TO NEWS