د سولې او شخړې د حل روزنیزو برنامو لړۍ کې دوهمه روزنیزه برنامه ترسره شوه
د سولې په چارو کې د دولت وزارت د عامه پوهاوي ریاست لخوا د ټولنیزې سولې د ودې او انسجام په موخه د سولې او شخړو د حل دوهمه روزنیزه برنامه ترسره شوه.
ددې برنامې یو استاد عبدالناصر فولاد وویل، چې که څه هم د هیواد خلک په یو نه يو ډول د جګړې او تاوتریخوالي له امله اغیزمن شوي، خو د خوشحالۍ ځای دی، چې د سولې په چارو کې د دولت وزارت د جګړې د شخړو د حل لپاره روزنيزې برنامې په لاره اچولي دي .
د هغه په وينا، عامه پوهاوې پرځان د باور، ژمنتيا او د عادلانه سولې لاسته راوړلو لامل ګرځي.
په دغه درې ورځني پروګرام کې د بیلابیلو تعلیمي، تحصلي او مدني ټولنو نهادونو پنځه وېشت تنو ګډونوالو برخه اخیستې وه.
د يادونې وړ ده، چې د سولې په چارو کې د دولت وزارت د 1400 کال د عامه پوهاوي او روزنيزې برنامې به په اتوو دورو کې د درې ورځو لپاه ترشره شي.
