ګڼو جهادي او قومي مشرانو، علمي کادرونو، متقاعدو پوځي جنرالانو، ډګروالانو او ځوانانو له اسلامي امارت څخه خپل ملاتړ اعلان کړ!

a.zia
دوشنبه ۱۴۰۰/۶/۸ - ۱۹:۲۲
Smp

د افغانستان اسلام امارت د امن کاروان مشر او جهادي شخصيت الحاج خليل الرحمن حقاني, د امن کاروان د عامه نظم مسؤل جهادي شخصيت حاجي ارسلاخان خروټي، جهادي او علمي شخصيت قاري محمود شاه او علمي او جهادي شخصيت مفتي محمود ذاکري او د دې کاروان يو شمير غړو د هېواد له ګڼو جهادي او قومي مشرانو، علمي کادرنو، پخوانيو جنرالانو، ډګروالانو او ځوانانو سره د سولې په چارو کې د امارت وزارت د غونډو په تالار کې ناسته وکړه.
په پيل کې د امن کاروان د عامه نظم مسؤل ټولو ګډونوالو ته ښه راغلاست ووايه او ورپسې يې د افغانستان اسلامي امارت د راتلونکو موخو په اړه د غونډې برخوالو ته معلومات وړاندې کړل.
ښاغلي خروټي د تېر حکومت چارواکو ته د پوره امن ډاډ ورکړ او وويل, چې د اسلامي امارت په غېږ کې به د هر چا سر او مال خوندي وي او د ټولو له حقوقو څخه به کلکه دفاع کېږي.
ورپسې جهادي او علمي شخصيت مفتي محمود ذاکري خبرې وکړې او يې وويل: چې امن په اسلام کې ځانګړی ارزښت لري، نو په همدې موخه يې خپل ټول پخواني دښمنان بښلي او په دې برخه کې د اسلامي امارت له خوا پوره ډاډ ورکړل شوی دی.
هغه زياته کړه, چې د افغاستان اسلامي امارت د خلکو د هوساينې لپاره کار کوي او په دې برخه کې يې چټک ګامونه پورته کړي دي.
د خوست ولايت پخواني امنيه قومندان تورن جنرال محمد داود امين د جنرالانو په استازولۍ وويل: په پخواني حکومت کې قانون يوازې په غريبو پلی کېده. فساد، غلا، رشوت، بې عدالتي، چور او چپاول په خپل وروستي حد کې و او دولت د زورواکو په وړاندې عاجز و.
هغه وويل: ولس له دغه حالاته په تنګ شوی و او د اسلامي امارت راتګ ته يې انتظار کاوه.
هغه زياته کړه، د اسلامي امارت سره به په ګډه کار کوي او په دې برخه کې هر ډول قربانۍ او همکارۍ ته چمتو دي.
د متقاعدو ډګروالانو شورا مشر ډګروال سيد افندي سنګر د ا.ا.ا په راتګ خوښي څرګنده کړه او يې وويل، چې نور له هېواده د جګړې خبرونه نه راځي او په ټول هېواد کې سرتاسري امن دی او همدا د افغانانو ستره هيله وه.
د دغې ناستې په جريان کې د هېواد بېلابيلو جهادي مشرانو او علمي شخصيتونو هم ويناوې وکړې او ټولو ګډونوالو د افغانستان اسلامي امارت په راتګ خوښي وښوده او خپل بشپړ  ملاتړ يې اعلان کړ.
د دغې ناستې په پای کې جهادي شخصيت او د امن کاروان مشر الحاج خليل الرحمن حقاني د ټولو له راتګ او ملاتړ څخه په ځانګړې مننې سره وويل، چې د افغانستان خاوره اشغال شوې وه او د الله تعالی په فضل او د مجاهيدنو په بې ساري قربانيو دغه اشغال پاي ته ورسېده.
ښاغلي حقاني وويل: قتل، فساد، قومي پرستي او بې عدالتي پاي ته ورسېده او داسې اسلامي نظام به جوړوي، چې د ټولو افغانانو سر او مال په کې خوندي وي.
هغه زياته کړه، چې د افغانستان له ملي حاکميت او خاورئ به په کلکه دفاع کوي او هئچا ته به اجازه ورنکړي، چې د هېواد په داخلي چارو کې يې لاسوهنه وکړي.
هغه د پخواني حکومت ټول کارکوونکو ته د پوره امن ډاډ ورکړ او ترې يې وغوښتل، چې خپلو دندو ته په ډاډه توګه دوام ورکړي.
دغه ناسته د جهادي او علمي شخصيت قاري محمود شاه په دعا پاي ته ورسېده.

داوطلبی

شنبه ۱۴۰۰/۵/۲۳ - ۱۰:۵۹
Background image

‎هشتمین دور برنامه آموزشی اعمار صلح و حل منازعه آغاز شد

‎هشتمین دور برنامه آموزشی از سلسله ‌برنامه‌های صلح و حل منازعه از سوی ریاست آگاهی عامه وزارت دولت در امور صلح با حضور اشتراک‌کنندگان از مرکز و ولایات آغاز شد.
‎فضل‌الله واثق آمر انسجام. . .

پنجشنبه ۱۴۰۰/۵/۲۱ - ۱۱:۴۵
Background image

نشست اضطراری رسیدگی به زنان بی‌جاشده برگزار شد

نشست اضطراری به منظور گرفتن نظریات و پیشنهادات جهت حل مشکلات زنان بی‌جاشده در کابل و ولایات از سوی گروه مشورتی صدای واحد زنان در سیاست‌گذاری صلح با همکاری وزارت دولت در امور صلح و. . .

چهارشنبه ۱۴۰۰/۵/۲۰ - ۱۴:۳۹
Background image

پرسمان «جنگ و پیامدهای آن میان جامعه مدنی و دولت» برگزار شد

پرسمان جنگ و پیامدهای آن میان جامعه مدنی و دولت به منظور ایجاد رابطه معنادار میان دولت و شهروندان در روند صلح، از سوی ریاست تشکل‌های سیاسی و نهادهای مدنی وزارت دولت در امور صلح، با حضور. . .

همه خبرها