وزیر دولت در امور صلح با نماینده ملکی ناتو در افغانستان دیدار نمود

عبدالسلام رحیمی نماینده خاص رییس‌جمهور و‌ وزیر دولت در امور صلح با نیکلاس کی نماینده ملکی ناتو در افغانستان در دفتر کار خویش دیدار نمود.
در این دیدار روی پیشرفت تلاش‌های صلح از سوی حکومت و شرکای بین‌المللی تبادل نظر شد.
نیکلاس کی گفت که ناتو از تلاش‌های صلح به رهبری دولت افغانستان حمایت می‌کند.
نماینده خاص رئیس‌جمهور و وزیر دولت در امور صلح گفت صلح خواسته اساسی مردم افغانستان است و دولت جمهوری اسلامی افغانستان برای صلح پایدار تمام تلاش خود را به خرج می‌دهد.