وزیر دولت در امور صلح با سفیر تاجیکستان دیدار نمود
سید سعادت منصور نادری وزیر دولت در امور صلح با داکتر سعدی شریفی سفیر تاجیکستان در کابل، دیدار نمود.
وزیر دولت در امور صلح در این دیدار به روابط نیک تاریخی دو کشور اشاره کرده و ملت دو کشور را برادر خواند.
آقای نادری نقش کشورهای همسایه افغانستان در روند صلح را مهم دانست و تأمین صلح در افغانستان را سبب بهبود و ثبات منطقه عنوان کرد.
سفیر تاجیکستان ضمن ابراز آمادگی کشورش به همکاری در عرصه صلح، برای افغانستان آرزوی صلح پایدار و دایمی نمود.
