وزیر دولت در امور صلح با سفیر اوزبیکستان دیدار نمود

عبدالسلام رحیمی، نماینده خاص رئیس‌جمهور و وزیر دولت در امور صلح با یادگارخواجه شادمانوف، سفیر اوزبیکستان در کابل دیدار نمود.
در این دیدار، وزیر دولت در امور صلح درباره گروه حمایت بین‌المللی از روند صلح افغانستان و همچنین هماهنگی و همکاری‌های جامعه جهانی در پروسه صلح افغانستان صحبت نمود.
آقای رحیمی با بیان این که کشور اوزبیکستان روابط اقتصادی و منطقه‌یی سازنده‌ای با افغانستان دارد، از حمایت‌های این کشور از تلاش‌های صلح ابراز سپاس نمود.
سفیر اوزبیکستان نیز با استقبال از طرح گروه حمایت از روند صلح افغانستان، بر حمایت‌های کشورش از روند صلح افغانستان تأکید نمود.